Devote oeffeninghe op de vijf lettere van de soete ende alderheylichste namen Iesus ende Maria

Hymnus.

Urbs Ierusalem beata,

Dicta pacis visio,

Quae construitur in caelis

Vivis ex lapidibus,

Et Angelis coronata,

Ut sponsata comite.

Noua veniens è caelo

Nuptiali thalamo,

Praeparata ut sponsata

Copuletur Domino:

[p. 528]

Plateae & muri ejus

Ex auro purissimo.

Portae nitent margaritis

Adytis patentibus,

Et virtute meritorum

Illuc introducitur

Omnis qui ob Christi nomen

Hîc in mundo premitur.

Tunsionibus, pressuris

Expoliti lapides

Suis coaptantur locis

Per manus artificis,

Disponuntur permansuri

Sacris aedificiis.

Gloria & honor Deo

Usquequaque altissimo,

Una Patri, Filioque,

Inclyto Paraclito,

Cui laus est & potestas

Per immensa saecula. Amen.

Vers. Haec est domus Domini, firmiter aedificata. Resp. Benè fundata est supra firmam petram.