Devote oeffeninghe op de vijf lettere van de soete ende alderheylichste namen Iesus ende Maria

Psalmus 90.

Qui habitat in adjutorio in altissimi: in protectione Dei caeli commorabitur.

Dicet Domino, Susceptor meus es tu, & refugium meum: Deus meus, sperabo in eum.

Quoniam ipse liberavit me de laqueo venantium: & à verbo aspero.

Scapulis suis obumbrabit tibi: & sub pennis ejus sperabis.

Scuto circumdabit te veritas ejus: non timebis à timorenocturno.

A sagitta volante in die, à negotio per

[p. 532]

ambulante in tenebris: ab incursu & daemonio meridiano.

Cadent a latere tuo mille, & decem millia à dextris tuis: ad te autem non appropinquabit.

Verumtamen oculis tuis considerabis:”& retributionem peccatorum videbis.

Quoniam tu es Domine spes mea: Altissimum posuisti refugium tuum.

Non accedet ad te malum: & flagellum no appropinquabit tabernaculo tuo.

Quoniam Angelis suis mandavit de te: ut custodiant te in omnibus viis tuis.

In manibus portabunt te: ne fortè offendas ad lapidem pedem tuum.

Super aspidem & basiliscum ambulabis: & conculcabis leonem & draconem.

Quoniam in me speravit, liberabo eum: protegam eum, quoniam cognovit nomen meum.

Clamabit ad me, & ego exaudiam eum: cum ipso sum in tribulatione, eripiam eum, & glorificabo eum.

[p. 533]

Longitudine dierum replebo eum: & ostendam illi salutare meum.

Gloria Patri, & Filio.

Sicut erat in principio.