Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
It jonge Fryslân (1882)

Informatie terzijde

Titelpagina van It jonge Fryslân
Afbeelding van It jonge FryslânToon afbeelding van titelpagina van It jonge Fryslân

  • Verantwoording
  • Inhoudsopgave

Downloads

PDF van tekst (0.75 MB)

XML (0.29 MB)

tekstbestand






Genre

poëzie

Subgenre

bloemlezing
gedichten / dichtbundel


© zie Auteursrecht en gebruiksvoorwaarden.

It jonge Fryslân

(1882)–Onno Harmensz Sytstra, Pieter Jelles Troelstra–rechtenstatus Auteursrechtvrij

Sangen en rimen fen jonge Fryske skriuwers


Vorige Volgende
[pagina 23]
[p. 23]

Fûgelsang
fen
P.J. Troelstra.

 
KOAR.
 
Lit ús sjonge, ja sjonge nou 't liet,
 
De prins fen it ljochtryk ta iiwge priis,
 
De kening des himels ta tankbewiis;
 
Lit út sjonge, ja sjonge sa bliid!
 
MOSK.
 
As de sinne yn 't Suden stiet,
 
Komt de stoere wintertiid.
 
En mei snie en kâlde boijen
 
Jowt er d'earme fûgels bruijen. -
 
O, den ha wy 't neat to rom!
 
Mei de kopkes yn de plom
 
Sitt' wy skrousk yn 't kâlde nêst,
 
Piipjend, kreunjend al ús bêst.
[pagina 24]
[p. 24]
 
En yn sliep as yn dea
 
Binn' de lea
 
Der natûr,
 
Forskronf'le en forstiwe,
 
Mei 't deakleed er oer.
 
Der binne gjin blommen,
 
Der waechst ek gjin krûd;
 
Gjin sang wirdt fornommen
 
Gjin fleurich blij lûd.
 
 
 
Yn it neakne beamte krast
 
De swarte roek sa skril;
 
De stoarmwyn reaget om yn 't wâld;
 
Wy binn' bidest en stil.
 
 
 
Fol langstme wachtsje w'op de tiid,
 
Det wer it sintsje skynt,
 
Det d' ierde, as s' opstiet út de dea,
 
Troch 't hier in blomkrâns wynt.
 
 
 
Oan alle lêsten komt in ein;
 
Nei alle leed komt nocht;
 
In brilloft komt er nei de dea,
 
Nei 't kâlde tsjuster waermte en ljocht.
 
Sa sit yn 't libbenskeatting 't goud
 
Oan 't donkere izer fêst....
 
Jow noait yn 't leed de moed forlern;
 
Al kinst ek nou gjin útkomst sjean,
 
Der komt wol ljocht op 't lêst!
[pagina 25]
[p. 25]
 
Yet fiel ik him, dy bliere striel
 
Fen 't waerme sinneljocht,
 
Dy d' earste tynge fen de komst'
 
Fen 't jonge foarjier brocht.
 
Yet wit ik, hwet in njuefol liet
 
Myn eang lyts kieltsje song,
 
Omdet de bolle foarjierswyn
 
Wer yn myn herntsje krong.
 
En do wer 't blomte út de groun
 
Syn mûzige eachjes stiek,
 
Do wie 'k sa blij, sa waerm en soun,
 
De rykste prins to ryk.
 
KOAR.
 
Lit ús sjonge, ja sjonge nou 't liet,
 
De prins fen it ljochtryk ta iiwge priis;
 
De kening des himels ta tankbiwiis,
 
Lit ús sjonge, ja sjonge sa bliid!
 
GEAL.
 
O ho sillich, ho oanminnich,
 
Moaiste tiid fen 't jier, bistou!
 
Maitiid, Maitiid, hwet in wille,
 
Hwet in libhensnjue jowstou!
 
Hwet in fleur en tier,
 
As fen alle djier
 
't Bloed sa tel troch d'ieren brûst;
 
Lieafde 's amme rûst.
[pagina 26]
[p. 26]
 
Hwet in wille, o hwet in wille,
 
Tiid fen lieafde, tiid fen ljocht!
 
Yn it boskje lokje 'k 't wyfke
 
Ta de skjinste lieafdenocht.
 
Mei myn moaiste sang
 
Rop ik minnedrang
 
Yn it hert fen 't wyf ken op;
 
Mei myn swietste rop.
 
 
 
Tiid fen lieafde, as 't griene boskje
 
Skattert fen it fûgelliet;
 
As it folle, jonge libben
 
Dounsjend troch de fjilden giet.
 
Hope jaget smert
 
Ut elts soargjend hert;
 
Hope jowt it libben fleur;
 
Jowt it fleur en kleur.
 
 
 
Sjoch dy knopkes, sjoch dy krûdsjes,
 
Sjoch dy bledsjes, jong en grien;
 
Hark dy blide minnelûdsjes;
 
Noait ha wy mei 't sjongen dien.
 
Wirdt elts knopke in blom? -
 
Bliuwt ús 't hert sa rom? - -
 
'k Wyt net, 'k wyt net, mar ik sjong!
 
'k Wyt net, mar ik sjong!
 
 
 
Hwêrom scoest' ek altiid soargje
 
Tsjin in oare tsjustre dei?
[pagina 27]
[p. 27]
 
Laitsje, lieawje, patsje, pearje;
 
Lieafde jaget soargen wei.
 
't Sintsje laket blij;
 
't Laket ek for dy!
 
Nim syn bliere laeits yn 't hert;
 
Stúnje en gnoarje net!
 
 
 
As de jountiid mei syn dauwe
 
Rûzend oer de fjilden leit,
 
En de sinne yn 't roazich Westen
 
D'ierde in smûk ‘to rêsten’ seit;
 
Sjong 'k in ôfskiedssang:
 
‘Sintsje, bliuw net lang!
 
Tink om fûgel, beamte en blom;
 
Kom, o kom werom!’
 
KOAR.
 
Himelkening, bliuw net lang!
 
Tink om fûgel, beamte en blom;
 
Kom, o goudne, kom!
 
LJURK.
 
As de bliere moarn yn 't Easten
 
Heal syn eagen iepen docht,
 
Skrilt er earst, yn sliep fortize,
 
For de glâns fen 't himelljocht;
 
Mar hy wirdt al gau to wekker,
 
Laket myld de sinne ek oan,
[pagina 28]
[p. 28]
 
Pronket mei hjar moaiste kleuren,
 
Om it holke in strielekroan.
 
 
 
En d'ierde, yet sliepend, en 't fjild, yn de dau,
 
En 't marke, yn de mist wei, hja glânsgje nou gau
 
Yn 't ljocht fen de sinne,
 
Det as mei 'n pinsiel
 
Nou ferwe is oer 't marke
 
En rounom oer hinne.
 
 
 
Nou dogge de blomkes
 
De knopkes ek iepen,
 
En fine 't to moai om yet langer to sliepen;
 
Nou strune de wyntsjes
 
Troch fjilden en wâlden,
 
En patsje alle blomkes, en binn' net to hâlden;
 
De yester is fol fen
 
De kôgjende kij:
 
Dy noaskje om hjar hinne,
 
Dy snuve en dy stinne,
 
En lûd is 't gerop, en gegûl en gejei.
 
Nou spat yn de amers
 
It ynwite skom.....
 
O, moai is de wrâld, en sa great, en sa rom!
 
 
 
Ut de greppel, hwêr myn nêst is,
 
Hipje 'k op it dauwich krûd;
 
'k Amje in boarst fol loft, en rekje
 
Gapjend den myn wjukken út;
[pagina 29]
[p. 29]
 
As ik den de wrâld sa wiid fyn,
 
En de himel djip en klear,
 
Bin 'k my sels sa lyts en neatich,
 
Wirdt it my sa eang en near.
 
't Is as walje 'r weagen
 
Yn myn hertsjen op;
 
't Triuwt my nei de himel;
 
Tilt myn foetsjes op.
 
 
 
Dêr driuw ik en kliuw ik nei 't iepene swirk;
 
Der tsjoch en fljuch ik sa frij;
 
It triuwt fen omleech, en it lûkt my omheech,
 
En 'k sjong sa ynblij, sa ynblij:
 
 
 
Sinne, sinne, himelljocht,
 
Dy de dei oan d'ierde brocht,
 
En de nacht oerwoun,
 
't Wolkom sjongt myn sang dy ta;
 
Blierket dy fen 't marke ta;
 
Wazemt fen de groun.
 
 
 
Damp en mist binne út'noar skûrd,
 
Hingje yn drippen oan it bird
 
Fen it griene wâld;
 
Tsjuster wier it, stil en near;
 
Dou kaemst op - de loft is klear,
 
Fleurich is de wrald!
 
 
 
't Fjild is as in blommekroan;
 
't Libben as in simmermoarn.
 
Troch dyn waermte en ljocht.
[pagina 30]
[p. 30]
 
'k Tureljurkje - scoe ik net? -
 
Mei in triljend, oerfol hert:
 
Tank for al dy nocht!
 
KOAR.
 
Blommen, alters op de groun,
 
Strui jimm' swietrûk yn it roun;
 
Priisgje, o fûgels, 't hearlik ljocht;
 
Tank for al dy nocht!
 
SWEL.
 
Ik bin as 't blomke, det syn kopke flijt,
 
Hwêr det it bliere ljocht der sinne skynt;
 
Ik bin as 't koarn, det troch de sinne tynt,
 
En sûnder hjar net fol en krêftich dijt;
 
As 't blomke gean ik, hwêr 't de sinne giet,
 
As 't koarn kin 'k dije, dêr 't de sinne briedt.
 
 
 
As it field syn blommeklean
 
Wilich flodderje om syn lea;
 
As it wâld syn gouden kroan
 
Fâlle lit, forsútre en dea,
 
As de sinne in kleed fen mist
 
Foar hjar strieljend antlit docht,
 
Súntsjes fen ús fielden wykt,
 
En al mear nei 't Suden tsjocht -
 
Den forgearje 'k frjeun en sibben,
 
En wy gean de sinne nei:
 
Dêr 't de sinne is, is ús libben;
 
Dêr 't hja net is, stearre wy!
[pagina 31]
[p. 31]
 
KOAR.
 
Dêr 't de sinne is, is ús libbén,
 
Lieaflik ljocht, wy priisgje dy!
 
DE ÛLE.
 
Wei mei 't ljocht, it docht my sear;
 
D'eagen prykje my!
 
Fen it tsjuster hâld ik mear;
 
Sinne, ik skoud'rje dy!
 
Ik sjong d' eare fen de nacht;
 
Ik forflok it ljocht!
 
KOAR.
 
Skyn, iwich ljocht, oer fjild en wâld!
 
Strui al dyn glâns oer hiel de wrâld,
 
Dyn waermte yn jong en âlden!
 
Brek troch de mist, kliuw op nei 't swirk;
 
Jow d'ierde krêft by 't deistich wirk,
 
Om 't herte rom to hâlden!
 
 
 
Kring d'ierde troch, o libbensmacht;
 
Kring 't herte troch, fordriuw de nacht
 
Ut aller wêz'nen sinnen.
 
Fier op, hwet leech en moedleas is,
 
Bring ljocht, jow krêft, hwêr 't tsjuster is,
 
Krêft, om 't fen 't kwea to winnen!
[pagina 32]
[p. 32]
 
It ûlebrod, sa skier, sa skou,
 
Keart fen dyn lieaflik ljocht him ou:
 
It kin dy net forneare;
 
Mar wy, as berntsjes fen de dei,
 
Wy sjonge, en d'ierde sjongt it mei:
 
‘Oan dy, o sinne, d'eare!’
 
 
 
Wy priisgje dy, wy libje yn dy,
 
Salang wy kinne, scille wy
 
Dyn rom en eare sjonge;
 
Ja, as de deanacht ús omtsjocht,
 
Den romje w' ienkear yet dyn ljocht,
 
Mei heal forstiwe tonge!

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken