Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
It jonge Fryslân (1882)

Informatie terzijde

Titelpagina van It jonge Fryslân
Afbeelding van It jonge FryslânToon afbeelding van titelpagina van It jonge Fryslân

  • Verantwoording
  • Inhoudsopgave

Downloads

PDF van tekst (0.75 MB)

XML (0.29 MB)

tekstbestand






Genre

poëzie

Subgenre

bloemlezing
gedichten / dichtbundel


© zie Auteursrecht en gebruiksvoorwaarden.

It jonge Fryslân

(1882)–Onno Harmensz Sytstra, Pieter Jelles Troelstra–rechtenstatus Auteursrechtvrij

Sangen en rimen fen jonge Fryske skriuwers


Vorige Volgende
[pagina 198]
[p. 198]

Hwet moatte ús jonges wirde?
fen
P.J. Troelstra.

 
It sinneljocht det trillet
 
Oer blêd en blom en krûd;
 
Foar 't iepne finster boartsje
 
Twa bern sa wyld en Iûd.
 
 
 
Dêr wraxelje twa jonges
 
Fen âlwe en trettsien jier;
 
Hja rôlje oer gêrs en blommen,
 
En krije enoar by 't hier.
 
 
 
By 't finster stean hjar âlden,
 
En laeitsje yn sill'ge nocht.
 
't Is alles fleur en libben,
 
't Is alles simmerljocht!
 
 
 
‘Hwet moatte ús jonges wirde?’
 
Sa freget mem oan heit;
[pagina 199]
[p. 199]
 
Hja wiist nei 't rimp'ne foltsen,
 
En glimket wylst hja 't seit.
 
 
 
‘Us Jan moast master wirde.
 
Hy hat in kop, dy Jan!
 
It fljucht 'er yn as wetter;
 
Sels master ropt er fen.
 
 
 
‘Den is er gjin gelearder
 
Yn 't hiele doarp as hy!
 
Ja, master moat er wirde,
 
As 't ús hwet barre mei.’
 
 
 
‘Gjin master scil er wirde,’
 
Seit heit; ‘hja wirde boer.
 
Ik hab in aerdich spiltsje,
 
Det nimt Jan letter oer.
 
 
 
‘Hwet scill' de bisten glimme,
 
Dêr 't hy syn hân oer het!
 
Ja, 'k hoopje, det de jonge
 
Syn sin op 't boerkjen set.’
 
 
 
De jonges linke om neat mear
 
Yn al hjar dertne noft -
 
Fen 't swart súdwesten neijert
 
In tsjokke tongerloft.
[pagina 200]
[p. 200]
 
‘Nou is 't ek sa,’ seit mem wer,
 
‘Sa'n skoalle is alles net.
 
Den moat er altiid sitte,
 
Fen moarnsier ont jounslet.
 
 
 
Mar boer!... 't scoe sonde wêse
 
Fen sokken snoade kop.
 
Set Hindrik yn ús spiltsje,
 
Mar Jan moat heger op.’
 
 
 
‘Ei wiif, ho kinst it sizze?
 
Ho komst' sa mâl der by!
 
'k Bin sels in boer, myn bern scil'
 
Ek by de boerkery!’
 
 
 
Sa praetten dêr dy âlden.
 
't Waerd hommels stil om 't hûs;
 
Den rôllen greate wolken;
 
Do reinde it by de rûs.
 
 
 
Mem sei: ‘Hwêr binne ús jonges?
 
't Wirdt my sa near om 't hert!
 
Hja wiern' hjir niis oan 't boartsjen;
 
Mar nou - ik sjoch se net.’
 
 
 
It wearljochte, en de tonger
 
Dy bold're lûd en fel.
 
Do gyng de man it hûs út.
 
De rein foel eazjend del.
[pagina 201]
[p. 201]
 
Dêr briek in striel fen fjûr wer
 
Troch 't swarte wolknethek;
 
Hy, kjel en heal forbline,
 
Gyng skril in trêd tobek.
 
 
 
Dêr hearde'r ûnder 't tong'rjen.
 
In rop fen 't djipste wea.
 
Hy riidboske, en in kjeltme
 
Gyng hommels oer syn lea.
 
 
 
Hy rôp, mar neat gjin andert.
 
Do kaem syn wiif him nei;
 
Hja gyngen yn de leane;
 
Dêr kaem det roppen wei.
 
 
 
Hja strofflen oer de tûken,
 
Dy 't foar hjar toetten lein'.
 
‘O Heare, yn 't hege beamte
 
Is grif de tonger slein!’
 
 
 
En do 't hja neijer kamen,
 
- Ho skodden hjar de lea! -
 
Dêr founen hja de berntsjes...
 
Hjar berntjes wierne dea.
 
 
 
Hja wierne út 't boartsjen weiskûrd,
 
Nou leinen hja sa stil;
 
Wyld rattle yet de tonger,
 
De stoarmwyn gûlde skril;
[pagina 202]
[p. 202]
 
En wylst de tonger rattle,
 
De stoarm syn deasang song,
 
Wylst leinen dêr dy berntsjes,
 
Yn 'e dea sa moai, sa jong!
 
 
 
Mar mei syn skrille deasang
 
Bringt nou de bolderwyn
 
De kleitean fen dy âlden
 
De swarte himel yn.
 
 
 
It wiif falt op de groun del,
 
Mei 'n skreau, de wyn to skril.
 
De man wirdt wyt, bidwelme,
 
En stiet sêft kreunjend stil.
 
 
 
Den sjocht er nei de himel,
 
Den op syn berntjes del;
 
Gjin wirden kin er fine:
 
De smerte is al to fel.
 
 
 
Mar einling seit er triljend
 
En snikkert tagelyk:
 
‘Hwet moatte ús jonges wirde?...
 
Myn God, myn God, in lyk!’
 
 
 
Sa fljucht de hope hinne;
 
Sa tel binn' dreamen wei!
 
Hja bloije yn 't ljocht der sinne;
 
Ien ûnwaer nimt se mei!

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken