Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Spiegel historiael. Tweede partie (fragmenten) [alleen brontekst] (1998)

Informatie terzijde

Titelpagina van Spiegel historiael. Tweede partie (fragmenten) [alleen brontekst]
Afbeelding van Spiegel historiael. Tweede partie (fragmenten) [alleen brontekst]Toon afbeelding van titelpagina van Spiegel historiael. Tweede partie (fragmenten) [alleen brontekst]

  • Verantwoording
  • Inhoudsopgave

Downloads

PDF van tekst (0.36 MB)

XML (0.11 MB)

tekstbestand






Genre

poëzie

Subgenre

kroniek


© zie Auteursrecht en gebruiksvoorwaarden.

Spiegel historiael. Tweede partie (fragmenten) [alleen brontekst]

(1998)–Philip Utenbroecke–rechtenstatus Auteursrechtelijk beschermd

Vorige
[pagina 281]
[p. 281]

[Fragment 7]

 
Ga naar margenoot+[...]
 
Monec sone leet die sterte mine
 
Gramscap nie in ghere maniere
 
So ist goet sijn goedertiere
[pagina 282]
[p. 282]
 
Een abt ian vraghede enen andren
[5][regelnummer]
Die .xi. iaer hadde ghehad sijn wandren
 
Buten allen lieden inder woestine
 
Wat hi micte dat profijt sine
 
Die sonne sach mi eten nie
 
Sprac hi ende ian sprac no gram mie
[10][regelnummer]
¶ Een monec plach dicken gram te sine
 
Ende liet daer om der moneke mine
 
Ende ghinc wandren allene
 
Om te hebben gramscap ghene
 
hem sturte eens sijn water uat
[15][regelnummer]
Ende hi uollede weder dat
 
Noch sturte het; ende noch daer nare
 
Doe wart hi zeker wel gheware
 
Dat die viant dat al wrochte
 
Die hem gramscap te uoren brochte
[20][regelnummer]
Doe keerde hi daer hi was te uoren
 
Ende warp uan hem alden toren.
 
¶ Een oude seghet een monec sal
 
Den goeden iachthont slachten al
 
Die als hi den hase versiet
[25][regelnummer]
Jn sijn lopen ontsiet niet
 
Voer hi den hase heuet gheuaen.
 
Dus soude den monec niet weder staen
 
Als hi dat cruce wel vername
 
Voer hi ten ghecruusten quame
[30][regelnummer]
hine soude sijn lopen niet laten werren
 
Om gheen verdriet om gheen vererren.

Vanden ghetemperden te versmaden .lxiiij

 
Een broeder was ter onsuuerheit
 
Becuert dat hi heuet gheseit
 
Jn biechten enen ouden.
 
Diene sere heuet ghescouden.
5[regelnummer]
So dat hi uel in wan hopen.
 
Ende es vten cloestre ghelopen.
 
¶ Bi gods wille ghesciede het dus
 
Dat die abt apollonius
 
Quam te desen die hem vraghet
10[regelnummer]
Watten vten cloostere iaghet
[pagina 283]
[p. 283]
50[regelnummer]
Ga naar margenoot+[...]
 
Ende haelden haren broeder weder
 
¶ Een oude seghet siestu iemen neder
 
Vallen bider sonden ghewout
 
Ne lech op dien ghene scout
55[regelnummer]
Maer op den ghenen d[iet] verwi[nt]
 
Ende sech wee mi dese es ghescint
 
Sijns dancs also als ic ben
 
Ende bewene di ende hen
 
En soec helpe anden hoghen.
60[regelnummer]
Want wi wale warden bedroghen
 
¶ Pastor die abt seghet
 
Wiltu in rusten sijn gheweghet
 
Jn allen zaken segghende stic
 
Te di zeluen wie ben ic
65[regelnummer]
Ende niemen ne iugiere
 
None hebbe onwaerd inghere maniere
 
¶ Priester hiet enen broeder gaen
 
Vte sire cellen die hadde mesdaen.
 
So moet ic dat zelue doen.
70[regelnummer]
Sprac die abt Bessarioen.
 
Want ic een sondare ben
 
Des so moetic gaen met hen.

Van quaden begripe lxv.

 
Een broeder te wetene begheerde
 
An abt pennen van groter waerde
 
Dat hi hem des gheue raet
 
hoe hi bescuwe te segghen quaet
5[regelnummer]
Best van sinen euen kerstijn
 
Dus was die antworde sijn
 
Jc ende sijn naeste sijn vormen .ij.
 
Als ic mine vorme bescouwe mee.
 
Dan dandre ende si mi dan dinct
10[regelnummer]
Dat su van sconeit es gheminct
 
So sal mijns broeder vorme sijn
 
Scone in die oghen mijn
 
Maer can ic niet sien an mi
 
Ene dinc die lelic si
15[regelnummer]
Jc sal an minen broeder sien
[pagina 284]
[p. 284]
 
Dat ic te lachterne sal plien
 
Jc ne sal van niemen segghen quaet
 
Begripic mijns selues daet
 
¶ Pastor seghet in alre stonde
 
Ga naar margenoot+[...]
 
So dat hine mere nacht dede
 
Vallen in die onsuuerhede
 
Doe sprac op die quade sathan.
 
Ende helsede den ghenen dan.
[5][regelnummer]
Ende [set]te hem op thoeft sine crone
 
Ende seide hi hadde ghewrocht wel scone.
 
¶ Sente Panthonius seide dese wort
 
hi hadde die duuele dicken ghehort
 
Spreken van haerre quader art
[10][regelnummer]
Die si togheden ten ghenen waerd
 
Die gode dienden ende alre meest
 
Daden si ten moneken hare uolleest
 
So dat daer een seide ic vechte an
 
Enen al te harden man.
[15][regelnummer]
Want welke tijt dat icken cure
 
Valt hi met versuchtene zure
 
Ter beden ende so moetic vlien
 
Met groter confusen van dien
 
¶ Een ander sprac ic hebbe in handen.
[20][regelnummer]
Enen die wel ontfaet mijn vanden
 
Jc makene gram in meneghen doene
 
Ende traech in orisoene
 
Als hi sine zalme lesen soude
 
Doe icken slapen also houde
[25][regelnummer]
¶ Een oude seghet hen comen niet
 
Die vlieghen anden pot die siet
 
Maer inden lawen dat si vallen.
 
Ende bevulen al met allen.
 
Die duuele na die maniere
[30][regelnummer]
Den monec ontsteken met gods viere
[pagina 285]
[p. 285]
 
Vlien ende si uolghen naer
 
Den lawen ende maken onclaer

Vandes vleisces temptatie .lxvij.

 
Het soude met handen siere moeder
 
Ouer ene beke helpen .i. broeder
 
Die met sinen clede sine hande bewant
 
Die moeder vraghedem thant
5[regelnummer]
Twi hijt dade hi seide tote hare
 
Dat wijfs lechame al vier ware
 
Want als ic quame ane di
 
Andre wijf quamen te voren mi
 
¶ Een helighe abedesse hiet sare.
 
[...]
 
Ga naar margenoot+Die ionghelinghe die ghe[.]e[.]e
 
Die dat wijf daer senden wouden.
 
Om te verdulne den ouden.
 
Su hads hem oec belof ghedaen.
[5][regelnummer]
Den ouden vraghet si om haer saen.
 
hi seide siet hoe heuet verbrant
 
Mine vingre die dochter vanden viant
 
Siet waer su slaept als sise begonden.
 
Ontwecken ende nopen hebsise doot vonden.
[10][regelnummer]
Maer onse here heuet haer ghegheuen
 
Bides goets mans bede haer leuen
 
Ende soe quam ten goeden ende
 
Ende menech diet bekende
 
¶ Een monec ghedoghede grote pine
[15][regelnummer]
Vander luxurien venine
 
Ende quam dicken tote enen goeden
 
Ouden dien hi bat met oetmoeden
 
Dat hi vor hem dade sine bede.
 
Dat die goede man gherne dede
[20][regelnummer]
Ende dicken es dit ghesciet
 
Ende als die goede man versiet
[pagina 286]
[p. 286]
 
Dat die ander bleef also vort
 
Ende god sine bede niet ne hort
 
Des ward hi droeue harde sere
[25][regelnummer]
Nachts vertoghedem onse here
 
Want ghenen monec sittende hi bekent
 
Ende quade gheeste hem omtrent
 
Jn messeliker wiue ghedane
 
Daer die monec ghenoechte nam ane
[30][regelnummer]
Ende gods enghele sach hi al bloot
 
Te hem waert toghen onwaerde groot
 
Dat hi niet ne uel ter bede
 
Die goede man versach tier stede
 
Dat des monecs rokeloosheit
[35][regelnummer]
hem dat quaet al heuet bereit
 
hier na sprac die goede man.
 
Aldus ghenen monec an.
 
Broeder hen mach niet ghescien
 
Dat di onsuure pense vlien
[40][regelnummer]
Altoos bi enechs menscen bede
 
Dune wilt pinen ende bidden mede
 
Of die zieke onganser spise
 
Ga naar margenoot+[...]
 
¶ Orosius maect ons bekent
 
Rowe tegle es quaet fundament
 
Maer gheheel met groten viere
 
Die heuet wel des steens maniere.
[5][regelnummer]
¶ Sirus seghet die sonder leuet
 
Temptatie andie sonde hi cleuet
 
¶ Agathon die abt goet
 
Ons dit te verstane doet
 
Hen es passie ghene so fel
[10][regelnummer]
Als betrouwen alte wel.

Van boeten alte wel .lxix.

 
Een broeder vraghede enen ouden vroet
 
Wat hem best te doene stoet
 
Want vule ghepense name hem tleuen
[pagina 287]
[p. 287]
 
Die oude heuet dus raet ghegheuen
5[regelnummer]
¶ Als een wijf wille spenen haer kint
 
Neemt su dat su bitter vint
 
Ende smaert hare borst daermede.
 
Als tkint wille sughen na sine zede.
 
Ende het die bitterheit heuet beseuen.
10[regelnummer]
So wille het die borst begheuen
 
Du doe dus als di comt in
 
Quaet ghepens smere dinen sin
 
Met pensene om die bitter doot
 
Ende om die tormente groot
15[regelnummer]
Die men om sonden moet ontfaen.
 
Di sal al quaet ghepens vergaen.
 
¶ Een oude seghet na die maniere
 
Dat scuwen ghevenijnde diere
 
Dese bittre crude sterc
20[regelnummer]
Also verdriuen dit wel marc
 
Alle ghepense van vuulheden.
 
Vasten met uerenster beden.
 
¶ Abt penne die seghet also.
 
Die duuel es niewer af so vro
25[regelnummer]
Als dat een sine ghepense quade
 
Niet openbaerd in goede rade
 
¶ Die abt euagrius hi seghet
 
Sin die in dolinghen leghet
 
Die brinct weder in goeder stede
30[regelnummer]
Lesen. waken ende ghebede
 
Vuul bernende bagaren.
 
Ga naar margenoot+[...]
margenoot+
|114ra|

margenoot+
|114rb|

margenoot+
|114rc|

margenoot+
|114rd|
margenoot+
|114va|

margenoot+
|114vb|

Vorige

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken