Ballade van Philips-den-goeden gezonden aen den gevangen hertog van Orléans.
XIV.
1
S'il en estoit à mon vouloir
Mon maistre et ami sans changier,
Je vous asseure, pour tant voir,
Qu'en vo fait n'aurait nul dangier;
Mais par deça, sans attargier,
Vous verroye hors de prison,
Quitte du tout, pour abrégier
En ceste présente saison.
2
Se cel don povez recevoir
Par la grace Dieu, de légier,
Pourrez tel à paix esmouvoir
Nul contre n'osera songier.
Par confort aurez bel et bon,
Se Dieu nous veut assoulagier
En ceste présente saison.
3
Mettons-nous en nostre devoir
Qu'en paix nous puissions herbergier;
Il n'est au monde tel manoir,
Qui desir a de s'y logier:
Abrégeons sans plus prolongier;
Il en est temps, ou jamais non,
Pour nous de guerre s'éloigner
En ceste présente saison.
Envoi.
- Or pensons de vous allégier
De prison pour tout engaigier,
Se n'avons paix et union;
Et du tout m'y vueil obligier
En ceste présente saison.
Essai sur la Musique ancienne et moderne (van La Borde), tom. II, p. 357.
Auteursrechtvrij