Cyrurgie

Cap. 9.
¶ Van spasme vand(er) to(n)ge(n) dats cra(m)pe d(aer)i(n)⁵⁾.

Spasme vander tongen die comt misselike toe. ende dats wedertreckinge van der tongen in den wortel ende meersinge. die welke⁺ cure es dus. ¶ Nemt olie van rosen of van camomillen. ende die warm hout in den mont.

Ende smeret thooft enten necke⁺ metter oliën vorseit ende met warmen watere. te gadere geminct. Piretrum ende mastic te gadere gepulvert ende gehouden in den mont. die trect die fleume uten mont ende uter tongen.

5) C: Van der crampen ofte spasmeringhen der tonghen. G: Vander spasme onder die tonghe gheheten den crampe.

+ G 81b.

+ B 132c