Die sweringen vanden oren die siin onderwilen sonder sweren die men heet in latine apostema. of sonder fistelen. Eister sonder so eist met quader complexiën. die van verhitheiden comen. dwelke gi moget kennen bi scarper sweringen die in dore es. ende bider hitten. ende bider rootheiden. ¶ Ende alst also es van hitten. so ziedet bonen die gepelt siin in een
Ga naar margenoot+potkiin met watere wel gestopt. so datter geen wasem uut en mach. ende daerover so stooft die ore met enen trachtere die pipe houdende in die ore. Ende eist bi Ga naar margenoot+vercoutheiden. so sietse in wine ende stooft die ore alst vorleert es daert comt van hitten. ¶ Noch gewarmde evene. entie gedaen in een sackelkiin. ende dat behoudenGa naar margenoot+ ende geduwet in dore also warm alse die zieke mach gedogen. dits sonderlinge goet. ¶ Noch doet spelen in .1. potkiin water. ende doet vanden viere. ende doeter in een hantvol bladere van roden rosen. ende bloemen van violetten. ende ontfaet dien doom in dore met enen trachtere. Of es die materie van couden humoren. so doet dat vorseide met wine dies gelike. ¶ Dit plaester es goet gewisselt alsoet vorseit es. Nemt rose bladere. alsene. bivoet. ¶ Noeh olie van bittren amandelen. of olie van muscelijn .2. drople of 3 warm gegoten in die ore. dats goet. ¶ Noch die crumen van gewrachtenGa naar voetnoot2) brode gebriselt ende gesoden in borne ende daer met gedaen doders van eyeren ende olie van rosen dit wel geminct al tegadere entie ore gestovet. ende dit warm daer op geleit es goet. ¶ Noch aenden smout .2. dropleGa naar margenoot+ of .3. daerin gedrupt warm. dats goet. Ende legt die zere ore opwert. ende legt lange optie goede ore so sal die medicine mogen lopen daer die zeerheit si. Ende eist in beiden oren. so medicineert onderwilen deen ende onderwilen dandere. Ende wat gi doet in die ore. dat doeter in warm. Ende wat gi doet in dogen dat doeter in cout.
Auteursrecht onbekend