Cap. 20.
¶ Van 5 adre(n) dieme(n) heet spenen.
Van .5. adren die uten lichame comen vor hem leidende al dat bloet van den live vallende opten lichame neder bi vasten lichame of bi menisoene. bi der perssen die hi heeft volget deen bloet den andren ter stede daer die pine es. waerbi die adren steken uut ende werden spenen. Deen twee siin an die rechter zide. ende dander .2. siin an die slinker zide. Die vijfte adre op dbeen. die es de fistel boven alle dandere ende quaetst te genesene. Dicken geneest mense met plaestren. ¶ Men stampe bivoet ende alsene ende stampse met lijnsaetoliën ende spreidet op .1. cleet also heet als ment gedogen mach daer op geleit. si verdriven ende genesen.
Auteursrecht onbekend