Cyrurgie

Van den blase ghewont.

Alse die blase es ghewont in den mensche die ne selmen niet nemen in

gheener cueren het en ware⁺ ane den hals daer si vleesachtich is daer ghenese maer boven daer si dinne is daer ne mach si nemmermeer ghenesen ende alsi ghewont es in den hals men sel den siecke houwen ligghen op den rugge. ende de siecke sel lettel drincken ende men sel op de wonden legghen dit nae volgende poeder. ℞ boli armenici .℥. j. sanguis draconis .Ʒ. ij. aloë epatici .Ʒ. ½. thuris masticis. ana. .℥. ½. ende hier of maect subtijl poeder ende dan suldi daer op legghen plasteren constrijctijf ghelijc dat ghi vint ghescreven int cappitele van den oren of gheslegen ofte int capittele van den nese.

+ C 68c.