Tvoyage van Mher Joos van Ghistele
(1998)–Ambrosius Zeebout–
Auteursrechtelijk beschermd(II, 35)[S]cheedende vander voorseyder plecken ende voort reysende, zo comt men ten cloostere van Sente Jan Baptiste, ende es tderde desert daer hij zijne penitencie plocht te doene, twelke ghehouden plocht te wesene van Griecschen religieusen diemen seit caloyers, ende van Indianen diemen seit Abassinen, maer de Arabianen hebbent al ghedestrueert zo datter nu niement en woont. Item niet verre van daer ghereden hebbende, zo comtmen ter riviere vander Jordanen, ter plecken daermen seit dat Sente Jan Onsen Heere doopte, dertich jaren oud zijnde, zo daer af staet in devangelie van Sente Matheeus int derde capittele; te deser plecken es te verdienene aflaet van pijnen ende van sonden. Daer pleghen hem de pilgherems ghemeenlic te badene ter ghedinckenessen et cetera. Item men seit dat tusschen Jherusalem ender Jordanen zijn dertich van dier mijlen. Dese riviere en es niet zeer groot, turbelachtich van watere, ten gronde slijcachtich, ende onttrent vier milen van daer zuutwaert zo valt zoe inde Doode Zee daer zij haer zelven verliest, want gheen meinssche en can ghesegghen, dat zoe (114r) eeneghen uutganc heeft. Item dese voorseyde riviere heeft vele proprieteten die andere niet en hebben.Ga naar eind315 Eerst zo verscheet zij deen vanden anderen: tvolc Gods, de jooden, ende den onghelooveghen. Item zij heeft haer zelven gheopent omme de kinderen van Ysrael duer te gane, zoot staet int bouc Josue int derde capittele. Item zij heeft ghezuvert Naaman Sijrus vander lasarien, zo dat staet int ve bouc der Coninghen int ve capittele. De zelve heeft obedient ghezijn Elyas ende Elizeum, zo daer af staet ten vierden | |
[pagina 112]
| |
boucke der Coninghen int iie capittele. Item zij heeft ooc dat yser des propheets up gheworpen, om dat hijt vinden zoude, zo dat staet ten vierden boucke der Coninghen int vie capittele. Item daer heeft ooc ghedoopt ghesijn Onse Lieve Heere God van Sente Jan Baptisten, annemende ende onslieden bewijsende 't Nieuwe Testament. Item men seit dat eensdeels de valleye tusschen Jerico ende der Jordanen ghenaemt es Achor, ende dat omme dat Achor, een man zo ghenaemt,Ga naar eind316 daer ghesteent wart. Men toocht ooc daer de plaetse daer Josue twalef steenen leyde als hij eerst quam int land van beloften duer de riviere gaende, die hij dede nemen uuten gronde der Jordanen teenen lijcteeken, zomen dat wel inden bibel breedere bevindt.Ga naar eind317 Item als men reist naer de Jordane zo sietmen ligghen ter rechter handt, wat ten lande waert in naer tghebeerchte, den cloostere van Sente Jeronimus, ghenaemt Vasta Solitudinis,Ga naar eind318 daer hij menich jaer zijne penitencie dede. Daer ghebuerdet (114v) dat den leeu toot hem quam omme den doorne uuten voete ghetrocken thebbene, zo danof de legende van zijnen heleghen levene breeder mencioen maect;Ga naar eind319 maer dit voorseyde cloostere es ooc nu al ghedestrueert vanden Arabianen. Niet verre van daer, wat ter Dooder Zee waert, twee mijlen van Jerico ende een mijle vander Jordanen, zo toochtmen eene plecke met ouden, vervallen muren, datmen seit de plecke wesende daer Jacop de patriarke, ghestoorven in Egipten, bij zijnen zone Joseph ende bij zijnen anderen ellef kinderen ghebracht wart, daer zeere grooten rauwe bedreven was naer de costume van dien lande, naer welke seremonien de voorseyde plecke ghenaemt es Planctus Egipti, of Betagha oft Betagor, zomen daer of breeder vint in Genesis int le capittele. Item al dese voorseyde plecken ghevisiteert hebbende, den dienst ghedaen up den houver vander Jordanen in een pauweljoenkin, keerden weder al te samen naer Jherusalem, eeneghe in Monte Syon, ander elder, ende elc in tzijne. |
|