[41. Johannes Radermacher, Bijdragen aan het Album Amicorum
van
Jeremias Lullius.]
Argumentum condendi carminis.
Symbolum adscribam gnati instar dilecte Lulli:
Quid proderit? ni mentem et causas nôris.
Casibus a puero rotatus variis; ut caeteri mortalium;
Non sine dubia inter spem metumque lucta,
Servili affectu victus iacuerim pridem:
Coeleste nisi irradians iubar apertam,
Tutamque in Christo ostendisset receptui viam,
Aeterni, tanquam filio, Patris ad providentiam,
Qua lectos gratis vocat, adoptat, et iustificat,
Servatque tutos malorum vel in medio:
Prodesse ut omnia se diligentibus cogat: nocere nedum,
Aeterni sive amoris adamantina convellere
Fundamenta, coelitum, terrestrium, vel infera
Vis ulla creata possit. Hac fiducia firmus,
Liberto ac liberior laetus, committo sortem meam
Domino: versatilis et idoli ludibria vana
Pede calco Evangelica hac solea munito:
DEUM DILIGENTIBUS OMNIA CONFERUNT IN BONUM.
AMICORUM PAR TERTIUS; NEC IMPAR CONFIDO;
INSTAR FILI DILECTE
LULLI QUO VOCAS
SEQUOR, ET REDAMANTEM CONSTANTER AMARE
PERGO. SED
PAULLUM SISTENS ATTENDE
*O
beatos, qui sequuntur orbitam legis Dei:
O beatos qui monenti sponte parent numini,
Labe puri nec relinquunt lege iussum tramitem,
Quem severitate dura nos tenere praecipit!
JEREMIAE LULLIO SUO
PERPETUANDUM VITAE INSTITUTUM
AGGRESSURO
FELIX FAUSTUMQUE OPTAT JOANNES RADERMACHERUS
AQUENSIS
MERCATOR
NONO CALENDAS APRILES MDXC.
Vasa rotans figulus format, sic OMNIA VERTIT
OMNIPOTENS: Fatum, vel dea coeca; nihil!
**Format pro arbitrio
figulus vas, OMNIA VERTIT
Sic DEUS: ast fatum, vel dea coeca,
nihil.
vorige
