In den name des barmhertigen ende goedigen Godts. LXXV. Capittel.
GHelijck als de aenkomste des nachts den dagh bedeckt, ende den dagh alles openbaert, ende ghelijck Man ende Wijf onderscheyden zijn, ende oock ongelijcke daden hebben, also is daer oock een onderscheyt tusschen de Godvreeesende ende Godloose, die haer ghelt niet om Gods wille uyt en deelen. Wie my ootmoedich aen bidden, die wil ick op den rechten wegh voeren, maer wie ter contrarie doet, die wil ick in ’t vyer storten, wat sal hun dan haer groote goet helpen? Ick heerssche in dese ende in gene werelt, ende mijn eygentlick Ampt is de lieden op den rechten wegh te brenghen. Ick en begheere niet anders van u, dan dat ghy my daerom lief hebt, soo ghy schuldigh zijt.
Auteursrechtvrij