Biatrîs. La perle de poesìe flamande medievâl

[p. 5]

Preambul

Il Dizionario letterario Bompiani al definiš il poemet Beatrijs ‘la perla della poesia fiamminga e una delle più celebri opere della letteratura medievale europea’ (vol. VII, 1957, p. 304).

Chest poemet, di 1038 viers, cun rimis a buš, si čhatilu int'un codis miniât dal 1374 c., conservât te Koninklijke Bibliotheek di Den Haag. Il test paraltri al è plui antîc. Il so autôr, ch'al è restât discognošût, lu dè donǧhe te seconde mitât dal secul XIII. La lejende de muinie sacristane ch'a bandone par amôr il covent, e intant ch'a jè lontane a ven rimplačade di Marìe, a jè unevore rimote (vadì dal XII secul) e a vè une grande difusion in Europe e fintremai tai paîs arabics (cfr. R. Guiette, La légende de la sacristine, 1927; D. Stracke, Beatrijs in de wereldletterkunde, 1930).

La risultive dal poemet flamand a forin probabilmentri dôs òparis dal frari cistercens Caesarius von Heisterbach: Dialogus miraculorum (1222) e Libri VIII miraculorum (1237).

[p. 6]

Beatrijs al vignarà publicât tai Paîs Bas nome che tal 1841. Al varà, daspò, numerosis edizions critichis e scuelastichis, traduzions in neerlandês moderni (in viers e in prose), adataments leteraris di ogni fate.

O ài vût miôr di tradusi il poemet in prose furlane inant che in viers, cun chê di mantignîmi fidêl adimplen al maraveôs test originâl (che nol è mai stât voltât in lenghe italiane).

Ǧ.F.