Commentaar op het Hooglied

(1975)–Anoniem Commentaar op het Hooglied– rechtenstatus


XXV Wair om die maechde den brudegom minnen Noch sprect die bruut mit zoeten zinne Die ghairne soetheit soude winnen Vanden brudegom sulke tale Dair sine mede an hair trect te male 5[regelnummer] Si proeuet. wat si heuet ghenomen Dats uan sire ghenaden comen Ende spreket. dair om bistu ghemint Vanden maechden die men vint Bi mi dat is mine lede 10[regelnummer] Ideo adolescentule dilexerunt te .v. ¶ Ende mine kinder in alre stede Minnen di vtermaten sere Dit is ghesproken lieue here Dine name is niet te vergheefs gestort 15[regelnummer] In minen borsten noch begort In mi. want dair om minnen di Die ghespele die mi siin bi Van roke so siin si ghewecket Ende uan dire minne ghetrecket 20[regelnummer] Die maechden die siin bider bruut Altoes die salighe lude beduut Die wel merken g[ods] gauen
[Folio B8rb]
Ende der kerstenhede lauen Hoe si ons voet in menigen dorste 25[regelnummer] Vander lauinghe hairre borste Dese siin mageden wel gheseit Want si uolghen al ghereit Der bruut als ons dauid ghiet Men sal leden sonder verdriet 30[regelnummer] Den coninc maghede na bare Ende hair naeste sullen dair nare Di ooc werden toe ghebracht Want elc om dine minne acht ¶ Dit meent dat alle kerstine mensche 35[regelnummer] Gode toe horen al na wensche Der salicheit dat si te samen Die soetheit des oli namen Zuken uander kerstenheit Want dese name is ghebreit 40[regelnummer] Ende so wide ghestort vut Inden borsten der reinre bruut Dat dair of wart alle mensche gevoet Inder salicheden spoet. Die name sal wecken onse zinne 45[regelnummer] Te reinre ende te wairre minne Dat wi te rechte spreken moghen Mit sinte pouwels sonder loghen Ghestort is gods caritate In onse herte te groter bate 50[regelnummer] Die heilighe gheest is ons gegeuen Dair wi alle bi sullen leuen ¶ Des spreket wel die kerstenheit Dat woort dat hier voer is gheseit Om uutstortinghe diins namen 55[regelnummer] Minnen di mit rechte te samen Alle salighe die an di ¶ Ghelouen ende horen te mi Dese minnen di te sere Merc hier rechter minnen lere 60[regelnummer] Dat innicheit uan gansen gare Maket altoes die herte zware Want begheren sonder bruken
[Folio B8va]
Doet menich zuchten vte ruken Vander herten die zere mint 65[regelnummer] Ende wart yement also bekint Dat hi uan minnen is ghewont Gods te zere tenigher stont Dien moet alte zere verdrieten Als hi geens troosts can ghemeten

Vorige Volgende

XXV Wair om die maechde den brudegom minnen