Commentaar op het Hooglied

[fol. B9vb]

[XXIX] een vragen ende [een antwoorde]

Nuttelike mach men h[ier vte vraghen]
Wat dit woirt ons [in sal dragen]
Dattie bruut spreket. lief treck mi
Ghelike of si allene si
Ende doch hair kinder siin [o ...
Als mitten hoofde alle [siin] leden
Wair om mach si dan spreke[n]
Trec mi ende al mine die ...
Hier op moetic antwoorde geuen
In dit salighe kersten [l]euen
Siin hooft alle gods prelaten
Ende lede hair ondersaten
Want si den hoofde uolghen
Ist in suren ist in sueten
Als prelaten siin uer[we]cket
Ende in heilicheit ghetrecket
So uolghen mede die onderdaen
Dair om sal [m]ent dus verstaen
¶ Trecke mi na di so [comen mede]
Mine kinder in onderdanichede
Ende dan sulwi alle lopen
Ende salichlike in di ons hopen
Ende leuen uan dire ghenade[n]
Dair wi wel in siin beraden
Als die coninc is ghekeert
So wart dat uolc dair toe ghe[m]eert
Mer tuolc mach bekeren wale
Dattie coninc bliuet in dwale
¶ Anderwerf so mach men seggen
Ende ons dese woort voer leggen
Die bruut seit mi na di
Wair om en is si niet so vri
Dat si sprake trec ons na di
Dese woorde uerwonderen mi
¶ Hier op geuic echt andwoirde
Die bruut is uan gods acorde
Dats dat si na hem tiet
Ende hem ongheliket niet
Een god is al in allen dingen

[fol. W8ra]

40

Buten hem niet sonderlinge

 

Siin mach. dus is die bruut

 

In allen kersten uut ende uut

 

Niement sonderlinge mach sijn

 

Buten der kerstenheit kerstijn

45

Dair om als si spreket mi

 

Sijn hair alle gods kinder bi

 

Van dien wilsi sceiden niet

 

¶ Als men an sinte paulus siet

 

Doene god mit crachte trac

50

Te hem haestelike hi sprac

 

Saule wat ueruolghestu mi

 

Saulus quam nie gode so bi

 

Dat hine pinen mochte of doden

 

Mer hi meende sine baden

55

Ende leden die an hem gheloueden

 

Dus seit die bruut die an hair houeden

 

Dat si hair lede ouer een

 

Ende si hair alre hooft ghemeen

 

¶ Quetst men enich let van di

60

Thooft spreket wat wijtstu mi

 

Dair om uolghen alle lede

 

In desen woirde der bruut mede

 

Ende dat spreket. trec mi na di

 

Dats mi ende al die mi sijn bi

65

Noch hier op een ander reden

 

Die niet goet hier wair meden

 

¶ Twee pointen siin der kerstenheit

 

Van gode altoes hier voer gheleit

 

Dair wi mede te hem comen

70

Also comen si ons te

 

¶ Dat ene gods castidinghe is

 

Tander Gods troestenis

 

¶ Dat een is sÜer ende tander soet

 

Dat ene geuet der sonden boet

75

Tander sacht ende gheuet vlijt

 

Goet te doene in alre tijt

 

Castidinghe is der minnen zeel

 

Dair god mede trect den mensche ten heel

 

Enter sielen salicheit

[fol. W8rb]

80

Als hi in apocalipsis seit

 

Ic castie dien ic minne

 

Salemoen spreket oec mit zinne

 

God castiet alle kint

 

Dat hi inder minnen vint

85

Menich mensche te gode gaet

 

Ende begheuet alle quaet

 

Om datten god hier castiet

 

Sinte paulus was dus gheuriet

 

Ende ander heilighe uele dair naer

90

Des wi werden wel ghewair

 

Inder heiligher kerstenheit

 

Des sprac si hier bi besceit

 

Want mire lede uele siin cranc

 

Ende qualike moghen liden dwanc

95

Coringhe pine ende misquame

 

So dinct mi best siin ghename

 

Dattu mi treckes ende niet mine lede

 

Mit pinen ende mit arbede

 

Mer si sullen mede lopen

100

In dire troesteliker hopen

 

Dat meent dat si mit soeticheit

 

Ende mit lieuer willicheit

 

Mi uolghen in allen thaluen

 

Omden roke dire saluen

105

¶ Dese roke siin oec saken

 

Die ons te gode willich maken

 

Dair hi ons mede socht den moet

 

Dat wi te lopen hebben spoet

 

Mit gansen wille ende mit minnen

110

Dat wi uan sire gauen winnen

 

Hier voir is v uander bruut

 

Drierhande salue beduut

 

Dair hair borsten so of ruken

 

Datmen salicheit ghebruken

115

Dair ute mach. ende al ghenade

 

Die brudegom heuet ooc te spade

 

Salue die es wel duerbair

 

Ende bequamelike ouer wair

120

Hier of laet v niet verdrieten