Commentaar op het Hooglied

XXXIIIJ Noch uan drien kelren

Niement hebbe des verdriet
Dair men salicheit vte tiet
Al hebdi vier kelre vernomen
Nochtan sal v te uoren comen
Van drien kelren die noch sijn
Van gode bereit uan sterken wijn
Dair sinte bernairt ons of seghet
Ende mit wairheit wel toe weget
¶ Biden brudegom is ene stede
Dair gods hoghe moghenthede
In berecht. bi rade bi zaten
Alle dinc ter hogher baten
In waghe mate ende ghetale
¶ In deser stede vintmen wale
Hoe hi hoghelike alle dinc
Berecht inder naturen rinc
Dit mach wel een kelre siin
Vol uan harden sueten wiin
Der godliker moghentheit
Als die bruut hier in gheleit
Wart so drinket si ende smaket
Hoe alle dinc goet is ghemaket
Ende hoe god alle dinc berecht
Ende hoet al sonder plecht
¶ Ene ander stede is oec bereit
Bi gode dair in wart gheleit
Die bruut wel soetelike

[fol. B11ra]

 

.....

 

.....

30

.... euen die qua[ed ...

 

¶ ... s]er stede macnmen merken

 

... chticheit in vreden werken

 

Die god in gherechticheit

 

Heuet den quaden al bereit

35

Hier is hi ureselike in den rade

 

Opt smenschen kindren uan misdade

 

Siin ordele siin hier al gherecht

 

Ende verholen ende gheslecht

 

Hoe hi die goede troest ende sterket

40

Ende bi ghenaden an hem werket

 

Of si misdoen dat si bekeren

 

Ende altoes goede werke meren

 

Ende hoe hi die quade laet

 

Verherden in hair grote quaet

45

Dair si in bliuen toten einde

 

Ende winnen ewelic miswende

 

Dit soude horen ende ontsien

 

Die uander heiligher kerke tien

 

Groten scat ende rijcheit uele

50

Dat verteren in vulen spele

 

Si rouen die gods arme lede

 

Ende verterent in die quaethede

 

In luxurie in ydelheit

 

In houaerde in ghiericheit

55

Men can an hem bekennen niet

 

Oft papen siin of leye diet

 

Noch in cleder noch in leuen

 

Si hebben gode albegheuen

 

Quaetheit heefse so verblint

60

Dat elc is des duuels kint

 

Van desen spreket dauid wel

 

Optie quade bin ic fel

 

¶ Op dat ic der sie der sondair vrede

 

Ic merke ende proeue mede

65

In menschen arbeit siin si niet

 

Mit menschen hebben si geen verdriet

 

Dair om heeftse houairde ghehouden

[fol. B11rb]

 

... [onghehier (?)] ghewouden

 

... [i]n hare quaetheit

70

... nden ewich leit

 

... duuelen als si horen

 

... spreken in sinen toren

 

Ghi verdoemde gaet int vier

 

Dat ewich is ende onghehier

75

Mitten duuel ende sine gesellen

 

Dair ghi ewelic sult quellen

 

Die bruut siet in dese stede

 

In ordele gods gherechtichede

 

Verholen: hoe hi die quade

80

Verhart mit rechter onghenade

 

So dat si nemmer bekeren

 

Noch en uolgen goede leren

 

Dits vreselijc an te sien

 

Want men niet dan anxt mach tien

85

Vut desen kelre dit sal elc man

 

Altoes ulitelijc sien an

 

¶ Die derde kelre is vroilijc

 

Want si is wel rustelijc

 

Hier siet die salige bruut vercoren

90

Hoe ontfermicheit gods toren

 

Sacht. ende hoe die brudegom

 

Den sondair na eerliken roem

 

Spaert enter ghenaden roept

 

Ende ontfanghet ende oept

95

Hier kent men die ontfermicheit

 

Die den gonen is bereit

 

Emmermeer die gode ontsien

 

Des machmen wel hier vroude wt tien

 

Dus so spreket wel die bruut

100

Dat ons die kerstenheit beduut

 

¶ Die coninc heuet mi gheleit

 

In sinen kelre wel bereit

 

Exultabimus et le\tabimur

 

in te ix

105

Dair si uerweendelike in rust

 

Van alre weelden zoete lust