Commentaar op het Hooglied
(1975)–Anoniem Commentaar op het Hooglied–
Auteursrechtelijk beschermd
[Folio B11va]
| |
Also als u [des ...
So heuet ... kers ...
Drierhande in desen leuen
¶ Teen heuet alle quaet bege[uen]
5[regelnummer]
Ende hoet hem altoes ende wac[ht]
Van sonden dach ende nacht
Ende dient in anxte onsen here
Ende werket ghairne na sijnre lere
Dese siin altoes bereit
10[regelnummer]
Doget te doen ende salicheit
¶ Tander ghesinde is niet so goet
Ten hebbe dicwile onspoet
Ter doget ende ualt dicken in sonden
Te menigher tijt ende in ueel stonden
15[regelnummer]
Doch so geuet hem gods ghenaden
Dat si betren hare misdaden
Mit penitencien ende mit rouwen
Ende minnen gode mit trouwen
Ende siin altoes in anxte uan ualle
20[regelnummer]
Doch siint gods kindren alle
Ende der heiligher kerstenheit
Die gods bruut al hier heit
¶ Terde uander bruut ghesinde
Dat siin die ghene als ict vinde
25[regelnummer]
Die alle dueget achter laten
Ende emmer hem ten sonden saten
Si siin snel altoes ten quade
Ende leden hair lijf in misdade
Si haten papen ende clercken
30[regelnummer]
Ende wat hoort ter heiligher kerken
Salighe lere is hem leet
Si siin ten quade altoes bereet
Sine hebben niet dan kersten name
Die doghet is hem ombequame
35[regelnummer]
Nochtan siin si lede mede
In desen leuen der kerstenhede
Want niement is so quaet al hier
Hine mach bekeren wil hi scier
Wil hi gode mit herten minnen
40[regelnummer]
Ende laten tquade ende doget beghinnen
| |
[Folio B11vb]
| |
...
...
... h]ande ghesinden
Wi al hier bescreuen vinden
45[regelnummer]
Dat si hair moeder die heilighe b[ruut]
Mit loue prisen ouer luut
Si spreken dese woirden clair
Als die text seget ouer wair
¶ Wi sullen vrouden ende verbliden
50[regelnummer]
In die bruut tallen tiden
Ende gedinken der soeticheit
Die vte dinen borsten gheit
Bouen wine dats bouen al
Datter werelt gheuet gheual
55[regelnummer]
Die gherechte minnen di
MEMORES VBERUM TUORUM SUPER
VINUM RECTI DILIGUNT TE x
¶ Nu merket alle wat dit si
Dochtren uan iherusalem
60[regelnummer]
Siin alle die. die uolgen hem
In gheloue ende in werke
Te uolgen der heiligher kerke
Mer inder kerstenheit uele sijn
Die minnen meer der werelt wijn
65[regelnummer]
Dats der werelt soeticheit
Dan si doen die salicheit
Mer die rechte entie goede
Die gode minnen mit ootmoede
Die mog[en] mitter wairheit v[vale]
70[regelnummer]
Ter bruut spreken dese tale
Al minnen di die quade niet
Des en heb gheen verdriet
Want die goede minnen di
Des siin wi in di alle vri
|
|