Commentaar op het Hooglied
(1975)–Anoniem Commentaar op het Hooglied–
Auteursrechtelijk beschermd
[Folio W9vb]
| |
Die scone waren ende uolcomen
In hare naturen tallen vromen
5[regelnummer]
Denghel was deerste dair af
Dien god vrien cuer doe gaf
Dair hi mede mochte kiesen
Goet te houden of verliesen
Doe coes lucifer den doot
10[regelnummer]
Ende viel uan gracien in groter noot
Die goede enghelen bleuen staen
Mitter gracie die si ontfaen
Van gode hebben ende siin gheuest
Mit gracien emmermeer in best
15[regelnummer]
Dus is gracie der enghelen moeder
God is hair uader ende hair behoeder
¶ Lucifer ende sine ghesellen
Die van gode toter hellen
Geworpen worden: mogen niet
20[regelnummer]
Versteruen: wat hem anders gesciet
Si hebben macht: ende ondersceit
Heerscap. const. ende in quaetheit
Nochtan ist uan gracien al
Die hem god liet inden ual
25[regelnummer]
Dus is gracie hair moeder bleuen
Mer god uader heeftse begheuen
So dat si des rikes erue
Nemmer en winnen bederue
Want god hair vader wesen soude
30[regelnummer]
Des moeten si in menichfoude
Pinen bliuen emmermeer
Ende deruen goet mit allen zeer
¶ Die mensche was dander creature
Ghemaect in uleescheliker nature
35[regelnummer]
Ende inden uleesche wart hem een geest
Ghegeuen ter naturen uolleest
Hi was uolcomen scoon ende wijs
Ende gheset in dat paradijs
Dat gaf hem al uan gracien god
40[regelnummer]
Die mach wel moeder sonder spod
Smenschen siin ende god sijn vader
Mer die duuel die uerrader
| |
[Folio B12ra]
| |
Waende den mensche uan gode breken
Ende sine quaetheit so wreken
45[regelnummer]
Hi riet hem dat hi brac tghebod
Dat hem gheboot onse uader god
Dair om wart hi als donwise
Gheworpen vten paradyse
Ende quam in pinen menichfoude
50[regelnummer]
Als hi te rechte comen zoude
Mer gracie des menschen moeder
Bleef emmer des menschen hoeder
Ende versoende tiegen den uader
Dus ziin wi gods kinder alle ...
55[regelnummer]
Gracie is ons moeder wa[le]
Dair bi merket mit ware ta[le]
Dat alle quade wie si si[in(?)]
[B]eide ioden ende kers[t ...
... er ...
...
| |
[Folio B12rb]
| |
Dat hare moeder kinder herde
Hebben gheuochten mit onwerde
85[regelnummer]
Tieghen hair dats te verstaen
Dat si wart onder ghedaen
Van allen quade die noch leuen
Mer god en heeftse niet begeuen
Want kerstenheit sal dogen liden
90[regelnummer]
Mer sine mach nemmer te gliden
|
|