Commentaar op het Hooglied

.XLVI. vijf pointen uan gheware minne

Vijf pointen vintmen mit zinne
In ganser ende in ware minne
Sal minne hebben uolle cracht
Anders wart si niet uolbracht
¶ Teerste point is onder kinnen
Van dien die hem onder minnen
Want kent deen den anderen niet
Dats ter minnen eerst verdriet
¶ Tander point is die begheerte
Die inder herten maket smerte
Om te crighen dat men mint
¶ Terde is als men ghewint
So is men altoes ghairne dair bi
Want minne wart dair mede vri
¶ Tvierde is der minnen gauen
Die rechte minne zere lauen
Want minne wart dair bi gheuoet
Ende sterket ende hoghemoet
¶ Tvijfte is lieflike ghebruken
Dair ware minne in moet luken

[fol. B13va]

 

¶ Deser eerster pointen viere

 

Heuet die heilighe bruut al hiere

 

Vanden brudegom ontfaen

 

Als hier uoren is doen verstaen

25

Si kende hair lief doe si begairde

 

Siins monts cussen uan groter wairde

 

Ende inden cussen was ghenoecht

 

Dat wael inder minnen voecht

 

Ooc heuet si hem toe ghesproken

30

Ende ghelopen inder roken

 

Sijnre saluen: ende is gheleit

 

Inden kelre der soeticheit

 

Dair si gauen heuet ontfaen

 

Van minnen uele sonder waen

35

Mer want si dat ghebruken niet

 

Volcomen heuet dats verdriet

 

Des spreket si als men nv hier vint

 

Wise mi die mine siele mint

 

Wair du voets ende wair du rust

40

In middaghe mit soeter lust

 

Dat ic niet beghinne vellen

 

Na den cudden dire ghesellen

 

INDICA MICHI QUEM DILIGIT

 

ANIMA UBI PASCAS UBI CUBAS

45

IN MERIDIE NE VAGARI INCIPI\AM

 

POST GREGES SODALIUM TUORUM xv