Commentaar op het Hooglied

(1975)–Anoniem Commentaar op het Hooglied– rechtenstatus


XLVIJ hoe die bruut wil weten wair God rust Om te uerstane dese woirde Behoeuen wi wel uan ende toorde Te hebben gheesteliken zin Die ons die letter bringhet in 5[regelnummer] Mer wie can te male besien Der bruut begairte ende uolspien Wat uan gods ghenaden lopet Dair die siele ieghen hopet Gode te kennen als hi is 10[regelnummer] Mach niement ghescien sijts gewis Die hier leuet in desen leuen
[Folio B13vb]
Ooc hoe groot hi si verheuen Van duechden of uan salicheit Mer der bruut is dair bereit 15[regelnummer] Dair si sal mit vrouden comen Als hier dijn leuen wart benomen Die siele die niet dan gode mint Beghairt te wetene wair si vint Hair lief dair om bid si hier 20[regelnummer] Dat hi hem seluen wise scier Dat hi hair sine woninge wise Dat sijs ghebruken mach na prise ¶ Dauid bringhet ghelike woort Inder bruut personen voort 25[regelnummer] Here wise mi dine weghen Ende lere mi dine pade pleghen Hi seit ooc meer ic heb ghemint Dat men in dinen huse vint Chierheit ende diins wonens stede 30[regelnummer] Daer glorie is emmermeer mede Die bruut begaert te sine gheuoet Van haren lieue mit rechter spoet ¶ Drie pointen siin die zere verchieren In dÜechden die siele ende in manieren 35[regelnummer] Gherechticheit die voetsi scone Des wart si wairdich der bruut crone Entie verholenheit te kennen Der oirdele gods dit mach si wennen Dat si altoes si behoet 40[regelnummer] Tiegen misdoen mit rechter spoet Begaerte uan tiegenwoirdicheit Maket die siele wel bereit In des brudegoms ghebruken Dair om bid si hair ontpluken 45[regelnummer] Ende te wisen wair hi voet Dat te weten is hair moet Om dat si: si gheuoet van hin Mit rechticheit in haren sin Ende wair hi rust. dat wil si weten 50[regelnummer] Om dat si hair dan mach vermeten Mit hem ende in hem te rusten
[Folio B14ra]
Des mach hair wel te rechte lusten ¶ Mer wat beduut inden middaghe Dat woort is wel uan groter claghe 55[regelnummer] Die middach is die heetste tijt Altoes die inden daghe lijt Biden middaghe mogen wi merken Liden ende pine uander kerken Menichfout ende harde zwair 60[regelnummer] Dat si lijt al openbair Biden middaghe wi wel mogen Merken die hitte uanden dogen Ende uanden liden dat si lijt Die kerstenheit in deser tijt 65[regelnummer] Van den ioden uan den heiden Van quaden kersten die noch verleiden Menighe siele ende doen uallen Want die bruut siet mit allen So mach si wel ghewaghen 70[regelnummer] O suete vrient inden middagen Als mi grote pine an leghet Verwairt bistu dan gheweghet Dattu mi laets siin in noden Wair rustic dan in dinen gheboden 75[regelnummer] Als mine pine is alre swairste Ende alre meest du dan veruaerste Mi want mi dinct dat du Mi dan begheues ende werdes scu

Vorige Volgende

XLVIJ hoe die bruut wil weten wair God rust