Commentaar op het Hooglied

(1975)–Anoniem Commentaar op het Hooglied– rechtenstatus


XLVIII Een ander glose vanden seluen Enen anderen sin mogen wi noch nemen Die wel der lettre mach ghetemen Die salighe siele die bruut ons heren Of die kerstenheit mit eren 5[regelnummer] Begheert te kennen ende te weten Op wat stede hair lief veruleten Is dair hi lieuest rust Des vraghet si mit soeter lust ¶ Twe steden heuet die brudegoem 10[regelnummer] Die hi na wairdeliken roem Beide heuet wel beseten Ende beide sine woninghe heten
[Folio B14rb]
Dat een is des hemels troon Dair mitten uader is die soon 15[regelnummer] Ende mitten heiligen geest een god Eenuoudeliken sonder spod Een ewich ende niet ondersceiden Inder nature uan hem beiden Dair hi berecht alle dinc 20[regelnummer] Dat ye wesen ontfinc Iement hier also te sien Als hi dair is mach niet gescien Hi voet die enghele ende alle dier Mit siinre benedictien hier 25[regelnummer] Dair is rust ende sueticheit Vrede vroude ende wairdicheit Vriheit lof ende kenninghe Van gode ende uan allen dinge Dair is ewelike middach 30[regelnummer] Die nemmerme verdonkeren mach Dair om bid die bruut ons heren Den brudegom dat hi wil leren Hair ende wisen die heilighe stede Dair si mach comen mede 35[regelnummer] Of dat hi hier hair late weten Die vroude die hair is beheten Haren leden ende haren kindren Die an hair bliuen sonder hindren So dat sire vertroest bi werden 40[regelnummer] Int aneuechten uan deser eerden Nacht ende dach hair ineuechten Lucifer ende sine knechten Dair om spreect si thant hier na Nadien dat ic inden sin versta 45[regelnummer] Dat ic niet beghinne dolen Naden cudde uander scolen Diere ghesellen: dat si die quade Die altoes vro ende spade Entekerst enten duuel dienen 50[regelnummer] Mit herten mit werken. mer si lienen Mit woorden an di want si mit staden Die eenuoudighe mogen uerraden
[Folio B14va]
Dit siin ualsche loghenare Die tuolc bedrieghen harentare 55[regelnummer] Si willen dine ghesellen siin Niet an werke mer an scijn Si tonen scaeps eenuoudicheit Buten: mer binnen is hem bereit Alle ualscheit ende bedrieghen 60[regelnummer] Dair si die werelt mede doir vliegen Dit siin nv antekersts ghesellen Die die goede dus hier quellen Hier of seghet ons sinte iohan In apocalipsi die heilige man 65[regelnummer] Vanden hoysprenkel. dien is gegeuen Macht te nosen die hier leuen Ghelike den fellen scorpioen Dits wel der buggher doen Die mit woirden connen smeken 70[regelnummer] Mer achter duuelike steken ¶ Dander stede is hier airtrike Dair in wonet onghelike Die kerstenheit mit haren leden Om die onghelike zeden 75[regelnummer] Die die quade tiegen die goede Dragen altoes mit quade moede Die bruut heuet groten lust Te weten wair hair lief hier rust Ende wair hi uoet in den middaghe 80[regelnummer] Dair om vraghet si mit claghe Wise mi wair du voeden pleghes Ende wair du nider rusten leghes Want dine oirdele siin mi verborghen Des bin ic hier in groter sorghen 85[regelnummer] Du uoedes mi hier mitter scrifturen Ende mine lede in allen vren Van moyses uanden propheten Die ons die wairheit hier doen weten Van dire coemst uan dire minnen 90[regelnummer] Vanden apostolen die ons binnen Hebben ghesterket ieghen dit dogen Mit lere ende gheset in hoghen
[Folio B14vb]
Van heiligen uadren die ontbinden Die scrifture ende onderuinden 95[regelnummer] Hier mede voetstu oec die quade Die mit werke ende mit rade Altoes die heilighe scrift verkeren Ende mit harer ualscher leren Mi benemen menich kint 100[regelnummer] Dat men in di gheboren vint Dv uoets oec uan dire taflen Mit dijns soeten lichaem waflen Tiegen die gene die mi pinen Mer ander herden siin die scinen 105[regelnummer] Of si weren dine ghesellen Mer si leiden totter hellen Alle die ghene die si voeden Tiegen dese moetic mi hoeden Si gelouen goede leringhe 110[regelnummer] Haren kudde sonderlinghe Mer si bedrieghen ende si verleiden Ter hellen wairt in uolre weiden Wair om dat. want dair en is niet Die middach dair men clair in siet 115[regelnummer] Lichte wairheit ende recht leuen Daar om bid ic die mi gheuen Sin ende kennisse te ondersceiden Die rechte wairheit in dinen leiden Vander ualscheit openbair 120[regelnummer] Dits inden middach ouer wair Wair om dat ic niet beghinne Te uolghen mit ualschen sinne Den cudde uan dinen ghesellen Die hair scape uan duechden uellen 125[regelnummer] Mitter ualscheit die si leren Tantekerst mogen wi dit keren Ende tallen den leden siin Die mitter ualscheit veniin Daghelike die doghet verkeren 130[regelnummer] Ende quaetheit tallen tiden leren Die bruut heuet al dese woorde Noch ghesproken uan ende toorde //
[Folio B15ra]
// Ende bedrucken ende besceren Al hier in egipten lant Dat duusterheit wel is genant Ende dese werelt ooc beduut 5[regelnummer] Dat si is duuster vut ende vut

Vorige Volgende

XLVIII Een ander glose vanden seluen