Commentaar op het Hooglied

(1975)–Anoniem Commentaar op het Hooglied– rechtenstatus


LXIIII Vanden risen des dogen Gods NV hore dochter ende zie Ende ueech diin oren ende tie Vter suetheit dat suete Dat hi uan sonden geuet boete 5[regelnummer] Les mitter bruut die risekiin Des dogens enter werken sijn Van ihesus cristus ende sine lere Des saltu altoes hebben ere Ende salicheit ende ware minne 10[regelnummer] Blijf ghestade in den zinne Merc dat alre eerste rijs Sende dat hemelsche paradijs Biden enghel gabriele Dair ons salicheit ghehele 15[regelnummer] Of comen is: doe hi die groete Brochte der maget van herten soete Hi sprac totter doghet pol Ic groete di uan gracien uol God is mitti ghebenedijt 20[regelnummer] Sijstu sonder weder strijt Onder wiuen ende dijn lichame Sal urucht gheuen sonder blame Die ghebenedijt sal wesen Biden rise siin wi ghenesen 25[regelnummer] Dair ontfinc die godheit groot Menscheit om des menschen noot Ende maria wart beswairt Sonder swairheit na moeder aert Dair na si hem maghet ghebairde 30[regelnummer] Die hair reinicheit niet scairde Hi was in armen doeken ghewonden Doe hem inder cribben vonden Die herden: hi wart oec besneden Wair mensche na der ewen zeden
[Folio W12vb]
35[regelnummer] Les hoe hem die coninghen sochten Ende rechte ghaue brochten Gout na conincliker eren Wierooc om papeliker leren Mirre om die sterflicheit 40[regelnummer] Ende hoe hi dair na wart gheleit In egipten om die vare Van herodes openbare Ende hoe hi weder quam int lant Van iudea altehant 45[regelnummer] Doe herodes was bleuen doot Ende doe maria was inder noot Van rouwen doe si sijns miste In den scaren ende niet en wiste Wair hi was ende si hem vant 50[regelnummer] Na drie daghe alte hant Sittende in midden der lerare Ende vraghende harentare Dinc hoe hi uan watre wijn Maecte clair ende fijn 55[regelnummer] Denct hoe hi ontfinc die dope Inder iordanen reinen lope Ende hoe dair in ter seluer vairde Die drieuoudicheit openbairde Die uader inder stemmen scone 60[regelnummer] In tieghenwoirdicheit die sone Inder duuen die heilige geest Dair na ghinc hi int foreest Vander woestine mit groter achte Dair hi .xl. daghe ende .xl. nachte 65[regelnummer] Vaste dair hem die duuel coorde Beide mit werken ende mit woorde Des prediken ende sine leringhe Sine mirakel in groten dinge Denct hoe hem die pharizeen 70[regelnummer] Entie ioden al in een Weder waren ende wederspraken In alle sinen goeden saken Ende hoe ten lesten dair toe quam Dat sine vinghen als een lam
[Folio W13ra]
75[regelnummer] Dat onnosel is ende doden dair Inden cruce openbair Sich ooc anden cruce staen Ihesum die niet heeft misdaen Dinke lieue salighe bruut 80[regelnummer] Siin leuen al uut ende vut Dat hi inder menscheit nam Doe hi om di hier tot di quam Ende merke dair in mit gansen sinne Sine suete ghestade minne 85[regelnummer] Louen ende minnen zeer So blijfstu bi hem emmermeer Dit heuet die bruut wel in gedachte Des sprac si doe de coninc sachte In rusten was: doe gaf mijn cruut 90[regelnummer] Nardus sine roke al uut ¶ Dit beduut ons doe marie Die reine maget ende vrie Droech den hemelschen berechter Enter menschen uoer vechter 95[regelnummer] Doe lach die coninc in sijn ruste Dair hi die reine bruut eerst custe Want hair nardus dats hair minne Gaf hem grote lust doe inne

Vorige Volgende

LXIIII Vanden risen des dogen Gods