Commentaar op het Hooglied


LXXIJ Noch twee oghen der bruut NOch is hier wel een ander sin Die ons die letter bringet in Die bruut ons heren heuet scone Twe reine ogen sonder hone 5[regelnummer] Als die duue dair si mede siet
[Folio W15vb]
Ende altoes te gode spiet Teen oghe is die hogheste reden Dair si mede siet ter salicheden Gods wille ende sine ghebode 10[regelnummer] Ende wat hair leden mach in gode Dair si bi kent ualsch ende wair Quaet voir dÜeghet openbair ¶ Tander oghe is innicheit Van begheerten ende ondersceit 15[regelnummer] Der werke die te gode gaen Entie anders doen verstaen Des mach si wel heten scone Mint si minlike gods sone Nu hoort hoe den brudegom becoomt 20[regelnummer] Die oghen ende wat si vroomt Der bruut dit sulwi uerstaen Hoe die bruut antwoort hier saen ¶ Miin lieue vrient du sijs scone Ende verchiert sonder hone 25[regelnummer] ecce tu pulcheres dilecte mi et decorus xxv ¶ Hoe die bruut die eer beghairde Hair lief te sien in sire wairde Dat hair niet en mochte ghescien 30[regelnummer] Mer si wort berespt uan dien ¶ Hoe macht dan siin dat si nv siet Dair si noch toe is comen niet Want in desen airtschen leuen Moet si dat soete sien begeuen 35[regelnummer] Ende siet siis niet hoe mach si seggen Du sijs scone ende in hem leggen Dat si an hem niet en siet Want die wijsheit heuet verdriet In prise dat men niet en kent 40[regelnummer] Dair wert die wise bi ghescent