Commentaar op het Hooglied
(1975)–Anoniem Commentaar op het Hooglied–
Auteursrechtelijk beschermd
[Folio W18va]
| |
In drien steden al omtrint
Dene blome wast in den campe
Of opt uelt dat inden rampe
Eue bedude dese blome spruut
10[regelnummer]
Sonder arbeit ende gaet vut
Opten uelde wast ene blome
Die ruket wel uan groten rome
Ende uan uerwen is si root
Dese beduut ons albloot
15[regelnummer]
Kerst die allene wies
Van marien na sinen kies
Die was root uan sinen bloede
Dat hi storte doir sine goede
Och hoe salich is die gone
20[regelnummer]
Die dese rose soet ende scone
Altoes lustelijc mach ruken
Ende uan sire soetheit zuken
¶ Ooc vintmen blomen elder wair
In houe die ghepotet dair
25[regelnummer]
Siin mit menscheliker liste
Als die crudenair best wiste
Die blomen siin menigeranden
Die men vint in houen standen
Ende elc heuet sinen rooc
30[regelnummer]
Hier bi mogen wi merken ooc
Die salige die siin inder kerken
Ghepoot wel in goeden werken
Van gode. hoe menighertieren
Ruken si uan goeder manieren
35[regelnummer]
Maria ruket sonderlinghen
Van allen salighen dingen
Die apostolen gheuen ooc
Sonderlinghe haren rooc
Martelair maghet confessore
40[regelnummer]
Elc heuet sinen gore
Moniken papen ende clerken
Elc ruket na sinen werken
Als sinte paulus ons verstaen
Doet in sine lere saen
45[regelnummer]
Hi spreect wi sijn roke goet
| |
[Folio W18vb]
| |
Ihesu kerst in alre spoet
Sulken des leuens inden leuen
Ende sulken ter doot ghegheuen
¶ Noch so vint men blomen meer
50[regelnummer]
Als men nader wairheit leer
In cameren ende in salen stroiet
Om dattie roke tuolc verstroiet
Mer dese en mogen niet lange duren
En si dat mense tallen vren
55[regelnummer]
Vernuwe ende versch ende houde
In soeticheit menichfoude
Dit siin blomen wel uan dogheden
Dair die salighe ie na pogheden
Die ghewesen hebben voren
60[regelnummer]
Entie noch te gode horen
Dair om mach die bruut wel lien
Mit reinre herten ende mit vrien
Dat bloeiende is hair beddekiin
Van allen sueten blomen fiin
65[regelnummer]
¶ Ooc spreect die brudegom der dale
Lelie bin ic. dese tale
Mach ons allen wel becomen
Die tcruce hebben ghenomen
Te draghen door die minne ons heren
70[regelnummer]
Want cristus is mit groter eren
Teken ende lelie scone
Die doir sine minne ghewone
Siin te liden ende te doghen
Dat siin die dale die wi toghen
75[regelnummer]
Dair god in wast mit groter spoet
Dit sijn dale uan ootmoet
|
|