Commentaar op het Hooglied

LXXXVIJ Hoe die bruut hair belouet vanden brudegom

DIe bruut heeft soetelike gesproken
Mit haren lieue ende heeft oploken
Hair herte in groter urolicheit
Des sprect si uoort in lieflicheit
Ende keert hair te haren ghespelen
Dat siin hair lede sonder helen
Die vroude die si heuet ontfaen
Doet si hem blidelike verstaen
Al heeft si dronken ghesiin uan minnen
Want verbliit siin al hair zinnen
Des mochten hare ghespele vragen
Wair heuestu bruut in diin behagen
Ende in urouden also ghesiin
Als oftu dronken wairs uan wiin

[fol. W19rb]

15

Hier op antwoirt si ghereit

 

¶ Die coninc heuet mi gheleit

 

O lieue dochtren ende ghesellen

 

In edelen ende in reinen wijn cellen

 

Ende hi heuet in mi gheuoeghet

20

Minne die mi wel ghenoeghet

 

introduxit me rex in cellam vinariam

 

et ordinauit in me caritatem .xxx.

 

¶ Dese woorden ende dese tale

 

Voeghen ter lettren wale

25

Mer die glose moet wi sien

 

Die men hier vte wel mach tien

 

Naden gheesteliken sin

 

Die grote salicheit bringhet in

 

Die bruut mach wel droncken sijn

30

Want si ghedronken heeft goeden wijn

 

Mer uan sÜeteliker minne

 

Die ontfanghet al hair zinne

 

Merct ene suetelike reden

 

Als die bruut uan lieuen zeden

35

Mitten brudegom heeft sprake

 

So spreect si lieflike mit ghemake

 

Lief of di mine siele mint

 

Of brudegom dus hem bekint

 

Mer als hair gheselle spreket

40

Dair si ter minne mede treket

 

So nemet si den coninc dan

 

Dit verstaen wi so hier an

 

Dat hi in hair hemelicheit

 

Lief of brudegom wel heit

45

Want altoes lieflike spraken

 

Tusschen vriende vrienscap maken

 

Mer alsi spreket ander wair

 

Dan tiegen hem: weet dit voer wair

 

Dat is om sine wairdicheit

50

Ende om sine ghewelt ooc mede

 

¶ Des spreect si die coninc heuet mi

 

Die is gheweldich ende vri

 

Gheleet in sine wiin cellen

 

Die glose moetic nv voort tellen