Commentaar op het Hooglied

CVIII Van den winter

DEse winter nam doe ende
Doe god den heiligen geest sende
Die die apostolen also strengede
Ende mit des geests vier ontfengede
Dat si ghene dinc ontsaghen
Mer leerden tuolc in allen dagen
So dat .iiim. in ere tijt
Ghelouich worden sonder strijt

[fol. B20ra]

 

Vij^m op ene ander stonden

10

Doe die apostolen leren begonden

 

Doe was die winter verleden

 

Dat wies in salicheden

 

Des spreect god hier der bruut te troest

 

Stant op haest du sijs verloest

15

Vanden winter die di was hinder

 

Lere ende gader mi uele kinder

 

Die reg[en] is wel vergaen

 

imb[e]r abijt et recessit xxxviij

 

¶ Den anderen hinder wi hier verstaen

20

Dats die regen onghesture

 

Als hi valt mit groter sture

 

So benemet hi al dat soet

 

Dat is ghesaiet ende staet

 

Om urucht te geuen opt uelt

25

Dat nemet die regen mit ghewelt