Commentaar op het Hooglied


CXXV Twee pointen Twee suete pointen sulwi merken Hier die ons wel mogen sterken Ende troesten die kerstenheit Die noch in vreemden lande steit 5[regelnummer] ¶ Dat ene is die doot ons heren Dair si altoes an mach leren Van aldien dat is gesciet Hoe si verlost is van verdriet Vans duuels dienst uan sire leren 10[regelnummer] Ende is in gode bekeert in eren Dair om salsi in sinen wonden Vrilijc denken in allen stonden ¶ Tander is dat si sal comen In gods bruken mit allen vromen 15[regelnummer] Dat bouen alle weelde gaet Die nv in die werelt staet Dair si emmer leuen sal Salichliken sonder val Och hoe volcomen is die troest 20[regelnummer] Dat si so wale is verloest Ende dat si noch ontfanghen sal Ewelike vroude bouen al ¶ Noch so sulwi ons verbliden Ende grauen vast in onsen tiden 25[regelnummer] Holen tonser salicheit Inden heilighen. mit lusticheit Inder patriarken leuen
[Folio B22rb]
Grauen wi hoe si verheuen Van gode waren om hair doget 30[regelnummer] Dair si nv om siin verhoghet Ende inder wairheit der propheten Die ons die wairheit deden weten Ende inder apostoten lere Ende inder pine der mertelere 35[regelnummer] In heilicheit der confessore Inder maechden reine chore Vanden minsten toten meesten Sulwi grauen diep mit feesten Ende pinen ons dat wi dair comen 40[regelnummer] Ende winnen datsi bi hebben vernomen