Commentaar op het Hooglied



[Folio B22vb]
.C.XXVIIJ Van gheueinsde kerstene NV verstaen wi ende merken Den staet uander heiligher kerken Dat vele voskine siin dair inne Buten scone [m(?)er f]el uan sinne 5[regelnummer] Siin si binnen : qu[ae]t onder die goede Si siin bedect mit ualschen ootmoede Si scinen buten ootmoedich Reine cuusch ende behoedich Van sonden: mer si bedrieghen 10[regelnummer] Die lude dair mede ende lieghen Die ware scrift verkeren si Ende cranken rechte gheloue dairbi Der kerstenheit doen si lachter Want si die doget setten achter 15[regelnummer] Dit siin lollairde ende begaerde Ioden kersten uan houairde Van oncuuscheit ende uan toorne Van ghiericheit der sielen doorne Dese ende menich hair ghelike 20[regelnummer] Doen grote scade hemelike Inder salicheit wijngaerde Mer papen die uan desen airde Siin. ende clerke ooc siin gheleert Bi hem wort salicheit ghekeert 25[regelnummer] Meer bi hem dan biden leken Want si bedecken lose treken Mitten mantel der scrifture Si tonen buten lose figure Dair si die goede mede stricken 30[regelnummer] Altoes si om ualscheit micken