Commentaar op het Hooglied

CXXXJ Van drien scalken sonden

Noch wil wi ene glose nemen
Alst der sielen mach betemen
Die ooc is wel gods bruut
Als ons die scrift wel beduut
Die siele is nemmer sonder strijt
Want die duuel altoes nijt
Heuet. wantsi hem ontgaen
Willen ende an gode vaen
Des neemt hi na sinen eesch
Dese werelt ende dit vleesch
Te striden bi nachte ende bi dage
Op die siele mit groter plaghe
Menighe coringhe hair an vecht
Die si alle niet te recht
Mach bekennen hoe si comen
Des heuet si dicken val ghenomen
Sulke comen openbare
Dair nemet si mit wijsheit ware
Ende wederstaetse mit gods cracht
Voir dese coringhe si hair wacht
Want si openbare sijn
Mer sulke comen in duechden scijn
Ende siin bedect mit reden lupen
Ende comen alse vosse slupen
Ende verteren thant dat bloeien
Vanden wiingaert die soude groeien
¶ Drierhande sonden siin
Die slupen comen als vossekiin
¶ Dene is in bedecter reden

[fol. B23va]

30

Verradenesse uan quader zeden

 

Die comet mit sueter reden crupen

 

Ende loselike in den woorden slupen

 

Die nochtan minnentlike scinen

 

Dair mede si die siele veninen

35

¶ Dander is valsche smekinghe

 

Die bedrieghet ooc sonderlinghe

 

Menighe blome in den wiingaerde

 

Der sielen mit groter houairde

 

Noch is een ander voskiin quaet

40

Dat der sielen sere scaet

 

Dats mit loesheit te bedrieghen

 

Ende in waren scijn te lieghen

 

Dit siin die uele urucht bederuen

 

Die die sielen souden eruen

45

Onsen here in sine minne

 

Des sulwi in allen sinne

 

Dese kennen ende vaen

 

Ende mit werke wederstaen

 

Dair om spreect die brudegom

50

Dat wijs nauwe nemen gom

 

Ende vaen dese vossekine

 

Die slupen inder dogheden scine

 

HIer sulwi noch een merkelic woort

 

Scriuen dattie scrift brinct voort

55

Hi spreect vaet ons die vossekine

 

Dat moet tonser behoef sine

 

Die vossekiin siin gode ene nose

 

Ende der sielen harde bose

 

Des spreect hi in gheselscap hier

60

Vaet ons die felle bose dier

 

Dats mi ende v. want wi een

 

Van minnen siin onder ons tween

 

¶ Noch sulwi voort spreken

 

Vander soeter mannen treken

65

Hoe die hoghe brudegom

 

Altoes neemt sine bruut goom

 

Want hi niet en wil allene

 

Hebben en si hair mede ghemene

 

Des spreect hi. vaet ons te nutte

[fol. B23vb]

70

Die uosse mitter scrifture scutte