Commentaar op het Hooglied

CXXXIII Drie pointen die die woorde benemen

DRie dingen siin die ons benemen
Volcomen woorde ende reden lemen
Teen is anxt tander rouwe
T ... minne mit ganser trou[we]
Anxt gheuet veruairlike ...
Die niet uolcomen come ...
Rouwe geuet woort mit ...

[fol. B24ra]

 

Niet uolcomen dat doet duchten

 

Van minnen spreect men menich woort

10

Dat niet uolcomelike comt voort

 

Nochtan uerstaet ment bi den zinne

 

Wat innicheit therte heuet inne

 

Als uan minnen bernet therte

 

Ende begheert mit sueter smerte

15

Ende sonderlinghe in die gods minne

 

So wart beroert der herten zinne

 

Mit sueter haestigher begharen

 

Die mit woorde niet can voort varen

 

Ende opluken alden sin

20

Die dat herte heuet in

 

Dair om spreect die reine bruut

 

Miin lief mi. dats ons beduut

 

Miin lief is so in minen gedachte

 

Dat ic ghene dinc anders achte

25

Of miin lief heeft mi gheseit

 

Sinen wille: ic bin bereit

 

Hem te wesen onderdaen

 

Dus sulwi dit woort verstaen

 

Want hi is in minen zinne

30

Altoes uolcomen van beghinne