Commentaar op het Hooglied


CXLVIIJ Hoe die heidenscap an Go\de quam EEr dat uolc gheloue nam Van gode ende ter gracien quam
[Folio B43rb]
In salicheit doe was wel hoge Voir gode allene die synagoge 5[regelnummer] Dat was der ioden oude wet Die moyses hem hadde gheset Ende want der synagogen scricht Vanden propheten was ghesticht Die spraken hoe god soude comen 10[regelnummer] Mit salicheit te groten vromen Beide ioden ende heiden Dat noch die ioden wanen beiden Dat ioodscap ontfinc doe niet Te male tgeloue als men siet 15[regelnummer] Ende doe die ioden weder stieten Tgheloue doe moste des ghenieten Die heiden ende des quamen si Int geloue uan sonden vri ¶ Ende doe theidenscap dat sach 20[regelnummer] Dat salicheit in gode al lach Ende want si socht dat si niet en vant Dan gode allene. stont si te hant Op mit kennisse hare sonden Ende hopeden dair of te sine ontbonden 25[regelnummer] Ende quam mit soeter list Dair si vant den waren crist