Commentaar op het Hooglied


CXLIX Hoe die eerste bruut vraghet uander ander Der eerster bruut verwondert zere Hoe si dus tonsen here Verweendelike is gheclommen Ende merket hair arbeit tere sommen 5[regelnummer] Ende spreect: wie is die dus scone Dair ic noch bin onghewone Te sien ende te kennen mede Opclimmet mit groter selsienhede Vten ongheloue clare 10[regelnummer] Doir die woestine openbare Der sonden ende onreinicheit Die altoes in den heiden leit Als een roedekiin uan root Dat opwairt geuet soeten smooc
[Folio B43va]
15[regelnummer] Dats mit rouwen uanden sonden Dair si mede bequame wart vonden Van mirren is dese rooc bequame Dats castien den lichame Dat si doet uoer hare sonden 20[regelnummer] Dair si scone of wert gheuonden Ende uan wierooc comet mede Dese rooc dats uan ghebede Die voir gode reine comet Merct hier wat begheringhe vromet 25[regelnummer] Die van sonden hem bekeert Voir gode wart siin loon ghemeert Want wierooc beduut recht ghebet Dat uoor gode comt sonder let ¶ Noch so is si meer te louen 30[regelnummer] Want si climmet hoge bouen Van alre slachte puluer smake Die die crudenair te rake Heuet ghemaect dats te verstaen Dattie bruut comt op ghegaen 35[regelnummer] Mit allen duechdeliken werken Diemen doen mach inder kerken Dats inder kerstenheit Alst hier voren is voirseit Die werke heuet die crudenare 40[regelnummer] Cristus ghemaket openbare Want sonder hem en dogen niet Menighe werken wats ghesciet