Commentaar op het Hooglied

(1975)–Anoniem Commentaar op het Hooglied– rechtenstatus


CLVI Hoe die brudegom die bruut prijst DIe bruut is uan vrouden vro Dat si hair lief heeft also Ende ghebruket sire minnen Mit soeticheit in allen zinnen 5[regelnummer] Dair om wecket si hair kinder Dat si scouwet sonder hinder Hair lief coninc salemoen Inden salichliken doen Dit behaghet den brudegom 10[regelnummer] Dattie bruut dus nemet goom Siins: ende prijst hair dair of Ende spreect hair hier groten lof ¶ Hoe scone bistu mine vriendinne Hoe soete bistu in minen zinne 15[regelnummer] Ende mit salicheit verchiert Diin oghen siin gheuisiert Biden duuen die simpel siin Sonder loosheit rechte fijn quam pulchra es amica mea 20[regelnummer] quam pulchra es et decora oculi tui columbarum absque eo quod intrinsecus latet lv O kerstenheit die comen best Van babilonien nv int lest 25[regelnummer] Die te voren wairs onreine
[Folio B29vb]
Mitten duuel al ghemeine Ende afgoden ende miin viant Nv comet te mi int lant Van sion. dair du mi in vints 30[regelnummer] Du biste scone want du mints Mi: ende du sijs comen te mi Des bistu alles wandels vri ¶ Hoe scone bistu in mine ogen Dese glose sal dit toghen 35[regelnummer] ¶ Hoe scone bistu in dijn gaen Wanttu heues uan mi ontfaen Dat bruut cleet uander ghelouen Dair salmen di bi recht in louen Want niement mach gode behagen 40[regelnummer] Hine siet hem dat cleet dragen ¶ Noch anderwarf is si ooc scone Want si sonder enighe hone Is wel lusteliic ghecleit Mitter scoonre onnoselheit 45[regelnummer] Te rechte wel die bruut behaghet Den brudegom om dat si draghet Siins selues cleder ombesmit Dair alrehande doghet an sit ¶ Si is sere uerchiert mede 50[regelnummer] Mit rechter lere in wairhede Ghene dinc verchiert mere Voir gode die siele dan die lere Die mit woorde ende mit werke Meert ende breit die heilighe kerke 55[regelnummer] ¶ Dine ogen siin der duuen ogen Van desen oghen mogen wi togen Alst hier voren is beduut Dair ooc van der lieuer bruut Besceidelike der duuen leuen 60[regelnummer] Ende hare nature is bescreuen Nochtan wil ic hier toe leggen Ende vander bruut ooc meer seggen Der heiligher kerken ogen fijn Mogen wel prelaten sijn 65[regelnummer] Van reinen leuen ende van goeden
[Folio B30ra]
Die die kerke sullen hoeden Ende wisen ende leren Ende altoes te goede keren Die sullen sien der luder misdaden 70[regelnummer] Ende weder leiden ter ghenaden Si sullen leiden al die lude Mitter rechticheit bedude Dese sullen simpel siin Sonder ghiericheden venijn 75[regelnummer] Sonder houairde ende droch ¶ Der bruut ogen ende noch Wel siin als wijt uerstaen Die redelijc die siele heeft aen Verstandenisse ende begheerlicheit 80[regelnummer] ¶ Hier mede siet die siele ghereit Vter scrift wat men sal werken Ende alle menschen dair in sterken Dese ogen sullen siin Simpel eenuoudich ende fijn 85[regelnummer] ¶ Die siele sal wel soetelike In gode sien ende simpelike Sonder dien dat binnen es Verborghen merket seker des Dat caritate dat moet siin 90[regelnummer] Die alle werke maket fijn ¶ Diin hare siin als sameninge Van gheiten. dit sijn selsien dinge capilli tui sicut greges caprarum que ascenderunt 95[regelnummer] de monte galaad lvi ¶ Dat der heiligher kerken lede Enighe ghelike hebben mede Biden gheiten: want si siin Onwairt: enter doget niet fijn 100[regelnummer] Mer want die gheiten altoes soeken Dat hoge. dair bi moet wi roeken Datter heiligher kerken hare Als gheiten cudde siin voirware Want ghemene uolc te male 105[regelnummer] Is inder ghelouen kale
[Folio B30rb]
Dat soeket al thoghe te gode Hoe dat mit sinen .x. ghebode Dair bouen comen. dair hi is ¶ Dat hair verchiert ooc ghewis 110[regelnummer] Dat houet ende maket scone Aldus doet alsonder hone Dat ghemene uolc die kerke Diese verchiert mit goede werke Mit aelmoesen ende mit ghebede 115[regelnummer] Ende mit voeden die arme lede Dair die kerke een hoeft of is Dus siin die hare wel ghewis Der bruut. als zeghen die opgaen Van galaad al sonder waen 120[regelnummer] ¶ Die berch van galaad beduut Hope des orconts vut ende uut Bi gods orconde gaen si wel Die salichlike climmen snel Vanden sonden ter doghet 125[regelnummer] Ende werden in gode verhoghet Ende geuen des altoes orconde Beide mit herten ende mit monde Dat hi is die ghene allene Dair salicheit an leget gemene 130[regelnummer] Dair om hebben si gheleden In landen in poirten ende in steden Sine vriende ende noch liden In gods orconde tallen tiden Vanden quaden pine en noot 135[regelnummer] Pine commet verdriet groot Ende want cristus is voren gegaen Inder martelien sonder waen Dair om volghen si hem na In allen doechden hoe soot ga

Vorige Volgende

CLVI Hoe die brudegom die bruut prijst