Commentaar op het Hooglied


CLXI Wat beduut drieweruen comen Drie warf spreect die brudegom Hier vriendinne ende mine bruut com Want wil wi ons te gode vlien So moet wi drie dinghen vertien 5[regelnummer] Teerste des duuels ende sine ghewerken Ende comen ter heiligher kerken Mitter dopen ende mit ghelouen So comen wi opten libaen bouen Want wi dat witte cleet ontfaen 10[regelnummer] Der kerstenheit dair wi in gaen Enter salicheit in bliuen Sulwi an gode vaste becliuen
[Folio B34ra]
Dat is dattie priester seghet Als hi die dope an ons leghet 15[regelnummer] Dat wi des duuels al vertien Ende uoirt an gode lien ¶ Een ander sulwi ooc versaken Sulwi gode recht ghenaken Dats die werelt ende hair lust 20[regelnummer] Dair die sonde altoes in rust Want niemen mach gode behagen Die der werelt lust wil dragen Des so sulwi al vertien Die werelt ende an gode tien 25[regelnummer] ¶ Ten derden male sal versaken Die mensche siins selfs ende gode naken Ende sal al sinen wille op geuen Ende bides ghenen wille leuen Dien god heuet dair toe ghesat 30[regelnummer] Dat hi is in sine stat ¶ Dits gheseget vanden gonen Die in rechter hoirsam wonen Dese roept god ter cronen Dair hise mede wille lonen