Commentaar op het Hooglied

(1975)–Anoniem Commentaar op het Hooglied– rechtenstatus


CLX Hoe die brudegom der ker\ken voirseit hare viande Wit wi der bruut scoonheit proeuen So moet wi al hier behoeuen Dat wi eerst al verdriuen Van hair dair vlecke an becliuen 5[regelnummer] In hair mach want hair lief sprect Dat si is al ombeulect Die al spreect. die neemt niet uut Dair om is die reine bruut Scone. want si vlecke en ghene 10[regelnummer] En heuet diesen maect onrene Om dat wi dit mogen verstaen Sulwi merken sonder waen Dat vijf pointen in desen leuen In dese werelt altoes sneuen 15[regelnummer] Dair men emmer sonde of tiet Datmen te gode mach comen niet Die men emmer wederstaen Moet salmen die croen ontfaen Dair om prijst hi wel die bruut 20[regelnummer] Die deser sonde is comen uut Ende vromelike is ghestaen Op ten berghe van libaen ¶ Teerste point uan desen sonden
[Folio B33rb]
Dair die lude of siin ghebonden 25[regelnummer] Dat is sonder dope te wesen Niement can hier voren ghenesen Want sonder dope mach nieman Den hemelrike comen an ¶ Dits ons beduut bi amana 30[regelnummer] Dat is een berch in iudea Ende beduut ons ongetoge Ende betekent die in loge Des duuels siin. sonder kerstenheit ¶ Deerste inganc der salicheit 35[regelnummer] Dats tontfaen dat sacrament Dair rechte gheloue in is bekent Hier of is die bruut gegaen Ende is comen opten libaen Die beduut witte clairheit 40[regelnummer] Dats der dope witte cleit Dattie bruut heeft an genomen Nv si is ter dope comen ¶ Tander point der sondelicheit Dair uele verdoomtheit an leit 45[regelnummer] Dats datmen nader dopen Te uerre wille in sonden lopen Die siin ooc betekent hier Biden berghe heet samier Samier stinkende is gheheten 50[regelnummer] Want die sondair als wijt weten Stinket voir gode ende voor die sine Des moet hi ewelike pine Liden: hier of gaet die bruut Wanneer si alre sonden vut 55[regelnummer] Hair mit penitencien doet In rouwen ende in recht ootmoet Ende gaet opten berch libaen Alsi neemt penitencie aen Want penitencie is wit ende scone 60[regelnummer] Ende vercrighet des hemels crone ¶ Terde point dair men in sonden Wart recht swairlijc ghebonden Dats als die mensche mit misdade
[Folio B33va]
Verliest gods hulde ende ghenade 65[regelnummer] Ende wart verbannen ende uerwaten So dat hem geen goet mach baten Ter salicheit also langhe Als hi is inden bedwanghe Dat is biden berch hermoen 70[regelnummer] Wel beduut in allen doen Want hermon spreect uerwatenheit Hier of wart die bruut gheleit Alsi dat ghebetert heuet Ende voort bider kerken leuet 75[regelnummer] So wart si weder wit ende scone Als si comt uanden berch hermone ¶ Tvierde point van swaren sonden Is als die mensche wart ghebonden In die ghewoonte uan misdaden 80[regelnummer] Ende niet roeket die gods ghenaden Mer mit wille. woorden ende werken Die ondoecht piint te sterken So is siin herte der lewen hol Dats dat hi is der duuel vol 85[regelnummer] Die wreet siin ende altoes iagen Hoe si den mensche bedragen In sonden tot in sire doot Mer als die sondair dan albloot In kennissen hem besiet 90[regelnummer] Ende des heuet herten verdriet So comt hi ter beteringen Ende betert hem in allen dingen Ende wart wit opden libaen Ghehoersam dair hi vast blijft staen 100[regelnummer] Ende laet der sonden ghewoont Des wart hi uan gode gecroont ¶ Int vijfte point siin die ghene Die mit valscheit al in ene Die heilighe kerke aneuechten 100[regelnummer] Die ualsch int ware connen vlechten Dit siin bugger lollairt dieue Die comen mitter wairheit brieue Ende lesense mit sconen woirden
[Folio B33vb]
Mer binnen si die siele moorden Biden uerborghen uenijn Die wel die liebairde sijn Want si uarwe menigherande Der ualscheit hebben in die hande Hair smeken dat is bedrieghen 110[regelnummer] Hair lere is niet dan lieghen Si scinen goet in haren leuen Mer die duuel is verheuen In hare herten mit ualscheit Dese netten die duuel spreit 115[regelnummer] Om die sielen mede te vaen Mer wanneer si ten libaen Der wairheit weder willen comen Ende hebben kennisse ghenomen Dat si siin in groten dolen 120[regelnummer] Ende lopen ter wairheit scolen Der kerstenheit ende dair in leuen Dien wil god die crone geuen ¶ Dair omme spreect hi hier mit sinne Du bist scone mine vriendinne 125[regelnummer] Wanttu sijs uan alle dien Vte gegaen die di ontsien Maken mach: in minen ogen Ghene ulecke machmen togen An di des com uanden libaen 130[regelnummer] Du salt die scone crone ontfaen

Vorige Volgende

CLX Hoe die brudegom der ker\ken voirseit hare viande