Commentaar op het Hooglied

(1975)–Anoniem Commentaar op het Hooglied– rechtenstatus


CLXXIIIJ Hoe die brudeghom vint inder bruut hof al sinen wille NV is die soete coninc comen In sinen hof ende heeft vernomen Die sueticheit die der bruut kinder Hebben sonder des duuels hinder 5[regelnummer] Want noorden wint des duuels anuechten Is veriaghen van sinen knechten Dair die bruut om heeft ghebeden Als si noch doet in allen steden Entie soete suden wint
[Folio B37rb]
10[regelnummer] Des heilichs gheest dair men bi vint Salighe herten soeten moet Dair men al goede werke bi doet Heuet den hof al doir waiet Dair menige duecht in is ghestraiet 15[regelnummer] Dair om spreect die soete here ¶ Et mine vriende ende drinket zere Ende miin alre liefste vriende Wart dronken. merct in wat verdiende comedite amici mei et bibi\te 20[regelnummer] et inebriamini karissimi ego dormio et cor meum vigilat lxxv ¶ Toe comet dat een is vrient Die ander vriendeliker dient Die derde die gaet al bouen 25[regelnummer] In gods minne te sinen louen ¶ Merket dese glose ende verstaet Hoe die glose hier op gaet Die brudegom die soete here Meent sine vriende in deser lere 30[regelnummer] Ende heetse vriendelike eten Hier of moghedi den sin weten ¶ Drierhande lude sijn Van herten uan werke fijn Die hem setten alte gode 35[regelnummer] Ende houden ghairne zine ghebode Want god selue spreect ghi sijt Mine vriende talre tijt Is dat sake dat ghi doet Mine ghebode in rechter spoet 40[regelnummer] ¶ Die ene siin alle die gone Die gode minnen sonder hone Ende nochtan na der werelt leuen Die door gode gaerne geuen Aelmissen uasten vieren 45[regelnummer] Haren naesten sijn goedertieren Mit hulpe troeste ende rade Ende houden ulitelike die pade Der salicheit die men hem leert Dese siin te gode ghekeert
[Folio B37va]
50[regelnummer] Desen heet die brudegom eten Dats dat si niet en vergheten Die lere die men hem voirseit Dair hem salicheit in leit Ende dat si uander kerken horen 55[regelnummer] Besluten inder herten doren So dat si nemmer des vergheten Dats mit gode lieflijc eten In sinen lof des mogen si Salichlike mit herten vri 60[regelnummer] Ontfaen den sueten gods lichame Dair si bi bliuen sonder blame Dander vriende die noch mere Vercoren siin uan onsen here Siin die gone die hair leuen 65[regelnummer] Alte gode hebben gegeuen Ende der werelt last versmaden Dair si mede waren verladen Si hebben drie dingen an genomen Alte haren sielen vromen 70[regelnummer] Cuuscheit uan herten ende uan liue Ende ghenoechte uanden wiue Van hair gheselscap wesen vri Si siin ghehoirsam al dair bi Haren ouersten ende haren prelaten 75[regelnummer] Enter armoede si hem saten Dese roept god vriendelike Dat si comen salichlike Ende eten dat bediet also Dat si in gode werden vro 80[regelnummer] Ende datsi inder scrifte vinden Vlitelijc in hair herte binden Dair si mede werden gheuoet In gode starc mit alre spoet Si drinken oec den soeten wijn 85[regelnummer] Altoes der rechter lere fijn ¶ Ooc siin vriende ten derden male Die voir gode uut ware tale Bouen dander siin vercoren Dese siin die al verloren
[Folio B37vb]
90[regelnummer] Hebben wereltlike saken Ende soeticheit in gode smaken Inden gheest allene uan binnen Ende niet dan gode alle minnen In haren leuen in haren donken 95[regelnummer] Siin si uan gods minne so dronken Datsi der werelt al vergheten Dese heet god mit hem eten Ende heet si drinken dat si dronken Werden. dats dat si uan uonken 100[regelnummer] Des heiligen geests werden so vro Dat si der werelt niet een stro En achten: wair si vaste bliuen In gods minne ende becliuen Die spise die dese vrienden eten 105[regelnummer] Is so soete dat si vergheten Doet alle wereltlike sake Si drinken wiin uan soeter smake Dats uan gode die soete minne Die so uerwandelt hare sinne 110[regelnummer] In gode als die dranc doet Die uerwandelt smenschen moet Die dronken is. noch hoort hier mere Een ander glose in deser lere Denghel entie hemelsche scare 115[regelnummer] Die des woorden siin gheware Dattie goede hier so leuen Want si die quaetheit al begeuen Hebben doir die minne ons heren Heten si comen mit groter eren 120[regelnummer] Eten ende drinken ewelike Mit gode altoes in hemelrike Dese glose mogen wi weten Bi woirde dauids des propheten Die spreect si sullen uan uolheit 125[regelnummer] Miins huus dats uan soeticheit Dronken worden. dats als wi comen Bi gode ter ewigher vromen

Vorige Volgende

CLXXIIIJ Hoe die brudeghom vint inder bruut hof al sinen wille