Commentaar op het Hooglied

(1975)–Anoniem Commentaar op het Hooglied– rechtenstatus



[Folio B38ra]
CLXXV Vanden tiden des vreden inder kerken Die bruut is nv sere verblijt Want hets hair ene salige tijt Dattie brudegom is comen In sinen hof tallen vromen 5[regelnummer] Ende heuet ghelauet hare kinder Beide mere ende minder Ende si lieuelijc mit hem eten Ende hebben alles quaets vergheten Des wilsi hare ruste soeken 10[regelnummer] Ende des ackers niet meer roeken Ende spreect tharen leden Comet die coninc uan sinen seden Ende soect mi segt dat ic slape Ende miin herte uan waken gape 15[regelnummer] Dese woorde uan fijnre minnen Willic bi rechten sinnen Inder glosen maken cont Inden tiden ende inder stont Dattie heilige kerke leuet 20[regelnummer] In rusten ende geen anxt heuet Van aneuechten ende van stoten Ende si is mit haren roten Dats mit haren lieuen leden In paise in rusten ende in vreden 25[regelnummer] So slaept si dats dat si dan Hair niet en nemet an Mer dat si in gode allene leuet Ende anxt ende arbeit al begeuet Mer dat hair herte waket binnen 30[regelnummer] Dats dat si so vast van minnen Is dat si gods niet en verghet Want si uast in hem set Is dat si alle sine ghebode Achterlaten soude node 35[regelnummer] Mer in dien dat dus die bruut Rust so spruut die quaetheit vut Van buggerie ende ongheloue Van ualscheit uut des duuels houe Entie sonden menigherande 40[regelnummer] Die vervullen alle lande
[Folio B38rb]
¶ Dit sal siin als antecrist Comen sal des duuels mist Dair om comt die brudegoom Die der kerken nemet nauwe goom 45[regelnummer] Ende troest die bruut dat si opsta Ende weder arbeit aneva Prediken castien ende leren Ende doen die quaetheit weder keren ¶ Dit heeft si scier verstaen 50[regelnummer] Dat hair lief hair so spreket aen Des wart si haestelike ontwaken Ende spreect dat is bi ware saken ¶ Miins lieues stemme die nv scoot Hine cloopte niet en dade noot 55[regelnummer] vox dilecti mei pulsantis lxxvi ¶ Nu hoort wat die reine here Die bruut bit mit groten ghere Doch mi op du suster mijn Mine vriendinne mine duue fijn 60[regelnummer] Mine onbeulecte: want mijn houet Is uol uan douwe des ghelouet Ende van minen toppe die haren Siin uol uan nacht dropel twaren

Vorige Volgende

CLXXV Vanden tiden des vreden inder kerken