Commentaar op het Hooglied

(1975)–Anoniem Commentaar op het Hooglied– rechtenstatus


CLXXVJ Hoe men nv uan gode slaept Het is nv al openbare Dat inder werelt harentare Alle quaetheit is ghestaen Entie doget sere vergaen 5[regelnummer] Prelaten bisscoppen ende papen In allen goeden werken slapen Si soeken hairs liues gemac Ende penninghe in haren sac Si sien den wolf onder den scapen 10[regelnummer] Mer si liggen ende slapen Ende keren niet den groten scade Dien die duuel sonder ghenade Doet: dair om slapen si Des wart alle quaetheit vri 15[regelnummer] ¶ Des verdriet den brudegome Die sire scapen nemet gome
[Folio B38va]
Ende heetse waken ende weder op staen Die grote quaetheit leget aen Prediken leren ende castien 20[regelnummer] Die quade alter doget tien Ende spreect. du suster miin Dat ghi prelaten fijn Die mit mi besitten sult Die erue dat al is veruult 25[regelnummer] Van alre ghenoechte ewelike Bi minen uader in hemelrike Ende du sijs ooc mine vriendinne Want du mi mints mit allen zinne Mine duue sijstu om dat 30[regelnummer] Datti felheit geen en mat Du sijs die onbeulecte mijn In alre doget bistu fijn aperi michi soror mea et amica mea columba 35[regelnummer] mea. immaculata mea quia caput plenum est rore et cyncinni mei guttis noctium lxxvij ¶ Doch mi op dat ic in come 40[regelnummer] Hoort dese glose talre vrome Der sondair herte die veruult Siin mit quaetheit die verdult Die siin mi vaste voir ghesloten Dair siin uele in groten roten 45[regelnummer] Die doch mi op mit goeder lere So dat ic weder in hem kere Want uan douwe is uol mijn houet ¶ Cristus hooft des ghelouet Is god selue dat verstaet 50[regelnummer] Ende want sere is versmaet Voir gode sonde ende ongheloue Ende wat spruut uut sduuels houe Dats al biden douwe beduut Want hi bi nachte ualt ouer luut 55[regelnummer] Dit is dan die rechte sin Ware gheloue is meer noch min
[Folio B38vb]
Al mit ongheloue veruult Dair uele sielen mede werden verdult Dit sal in antekerst tiden 60[regelnummer] Al die werelt ouer liden So dat luttel iement kinnen Gode sal. ende cristus minnen ¶ Die hare die opten hoefde staen Siin die gone die uaste aen 65[regelnummer] Gode mit gheloue sijn Dese werden mit des duuels venijn So vergheuen dat si verkeert Sullen werden ende ghemeert In ongheloue ende in quaetheit 70[regelnummer] Dat is dat cristus hier seit Dat uol siin al sine hare Van nachts dropel harentare Dats die gone die mi ooc kinnen Werden ghetogen uan mire minnen 75[regelnummer] Want die goede sal werden quaet In dien anxteliken staet Dair om mine soete kare Lere ende wake harentare Ende doe mi op der luder herten 80[regelnummer] Dat mit rouwe hair sonden smerten Want die quade die besluten Hair herten ende laten mi dair buten

Vorige Volgende

CLXXVJ Hoe men nv uan gode slaept