Commentaar op het Hooglied

CLXXX Hoe die lerer werdenghetroost in wederstoot

Mar want menich wederstoot
Den lerer toe comt ende noot
Van onghelouigen ende quaden
Dair die kerke mede is verladen
Mit rade mit werke ende mit pinen
Dattie bruut hier nv laet scinen
Ende spreect thant: mine hande

[fol. B40ra]

 

Hebben ghedropen inden lande

 

Mirre ende mine vingher siin

10

Vol uan mirren die is fijn

 

Ende bouen alle mirre geproeuet

 

manus mee distillauerunt

 

mirram et digiti mei pleni

 

mirra probacissima lxxxj

15

¶ Hoirt wat deser glosen behoeuet

 

Bider bruut hande wi verstaen

 

Werke dair salicheit leit aen

 

Mirre persecucie is

 

Die uanden werke comet gewis

20

¶ Der bruut hande mirre drupen

 

Als ute goeden werken slupen

 

Der quade hat ende nijt

 

Die si hebben talre tijt

 

Dattie heilige kerke meert

 

Ende in salicheit gheeert

 

Hier om lijt die kerke noot

 

Ende menigen weder stoot

 

Dats die mirre die dan drupet

 

Is persecucie uten werke slupet

30

¶ Der bruut vingher al vol sijn

 

Van mirren die is wel fijn

 

Ende die ooc alre best geproeft is

 

Dats dat dogen gods ghewis

 

Ende sine pine ende siin liden

35

Dat hi leet inder doot tiden

 

Was bouen alle liden geproeft

 

Des die kersten behoeft

 

Sal si mit verduldicheit

 

Altoes in duechden siin bereit

40

Want alsi op dat liden denket

 

Dat gode om hare wart ghescenket

 

So ist hair te liden clene

 

Wat hair uan dogen comt gemene

 

Die meesters vinden inder naturen

45

Vander mirren twee figuren

 

Dene is goet ende dander best

 

Dits inder kerstenheit gheuest

[fol. B40rb]

 

Dat alle martelie liden dogen

 

Bequame siin in gods ogen

50

Des men lijt om die wairheit

 

Ende om rechte kerstenheit

 

Mer cristus doghen is bequame

 

Gode sonder alle blame

 

Voir al dat liden dat ye wart

55

Van mensche gheleden in enigher vairt

 

Dair om spreect die bruut te hant

 

Dat na alre dogen bant

 

Hare vingher altoes uol siin

 

Vander bester mirre fijn

60

Dats uanden liden ende uanden dogen

 

Dat wi in gode merken mogen

 

Dair van siin hare vingre uol

 

Dat spreect dat alre beste hol

 

Dair si hair in behouden mach

65

Tiegen die quade nacht ende dach

 

Dats verduldicheit dair si

 

Altoes in staet mit herten vri

 

Want si op dat dogen denket

 

Dat haren lieue wart ghescenket

70

Dair hi anden cruce hinc

 

Ende mit galle mirre ontfinc

 

Der bruut vingher sijn al sorgen

 

Die si draget in gode verborgen

 

Om dat hair werke altoes goet

75

In salicheit hebben moet