Commentaar op het Hooglied

(1975)–Anoniem Commentaar op het Hooglied– rechtenstatus


CC Hoe die dochtren nv die bruut prisen SI spreken dese die op gaet Wie is si die als die dageraet Si is scone recht als die mane Vercoren buten allen wane 5[regelnummer] Mer sekerliic als die sonne Ende in dese rechte wonne Is si emmer vreselijc Als heren scaren al ghelijc Die in allen thaluen siin 10[regelnummer] Wel ghesaet ende rechten fijn que est ista que progreditur quasi aurora consurgens pulchra ut luna electa ut sol terribilis ut castro\rum 15[regelnummer] acies ordinata. Cvi ¶ Merket nv hoghen pointen viere Die elke na sire maniere
[Folio W25vb]
Doghedelike wert gheseit Vander bruut ende mit wairheit 20[regelnummer] ¶ Teerste is dat voort wairt gaen Niet achter wairt noch ooc staen Noch legghen noch sitten Mer voort wairt uut allen smitten ¶ Sinte paulus ons beduut 25[regelnummer] In sire lere ooc uander bruut Wine hebben hier gheen wonen Dat seker is of sonder honen Mer die woninghe soeken wi al Die ons uan gode werden sal 30[regelnummer] Dair om en wil die bruut niet staen Mer vaste uoort te gode gaen Alse die reine dagheraet Merket wanneer die sonne opgaet Vten duustren comet licht 35[regelnummer] Die reine bruut die sonder plicht Vten sonden is ghecomen Ia uan den duustren uut ghenomen Is wel ene scone dagheraet Alsi op te gode gaet 40[regelnummer] Sonder vlecke saltu ooc wesen Wiltu uoir gode ghenesen Gans uter sonden duusterheit Dat licht der gracien gods gereit Sinte paulus ons toe sprect 45[regelnummer] Die ons uten slape wect Dat te waken nv is tijt Want die dach sal sonder mijt Comen ende naken zere Des sulwi na sine lere 50[regelnummer] Verwerpen die wapen der duusterheit Des lichts wapen sulwi ghereit An doen om dat wi eerlijc comen Toten dage na onse vromen ¶ Als die mane is si scone 55[regelnummer] Merct vander mane sonder hone Dat si hair licht neemt vander sonnen In deser wiis so wil god ionnen //
[Folio W26ra]
// Dander woudent wederstaen Ende rechten leuen aneuaen In constantinoble was Ene ghesprake als ict las 5[regelnummer] Dair des een einde wart gheuonden Doe die knechte gods vol stonden ¶ Die vierde strijt is alle dage Dat seggen moet mit clage Onder die begheuen luden 10[regelnummer] Die leider opten dach uan huden In desen tiden siin so blint Datmen uele dair onder vint Die mit ualscheit ende mit quade Houairdicheit mit losen rade 15[regelnummer] Die goede altoes onderuoet Werpen pinen. want si uerwoet Siin: ende mitten duuel beseten So wie hem sulke dinge vermeten Als si die doget wederstaen 20[regelnummer] Ende tiegen hare oirden gaen Hier of sal dat einde comen Bi antekerst tiden als wi vernomen Hebben. so sullen al die quade Bliuen in antekersts rade 25[regelnummer] ¶ Die vijfte strijt sal an staen Bi antekerst al sonder waen Als helyas ende enoch Gods boden comen doch Iegen antekerste striden 30[regelnummer] Dan moeten alle die goede liden Die gode mit willen an gaen Die salmen pinen ende slaen Enoch ende helias mede Sullen steruen om die wairhede 35[regelnummer] Dit sal duren tot anticrist Veruaren is des duuels mist ¶ Die seste strijt sal dair na sien Dair men gheen na en sal sien Als der glorien coninc comt 40[regelnummer] Die alle quaetheit so verdoemt
[Folio W26rb]
Enten duuel die tyran Werpt mit al dat hem hoert an In dat vier dat sonder ende Ewelic bernen sal in miswende 45[regelnummer] Dan so sal die bruut ghereet Mit haren kindren in geleet Werden mit vrouden emmermere Dair in voege ons god die here Dat ander boec gaet hier uut 50[regelnummer] God voeghe ons mit sire bruut

Vorige Volgende

CC Hoe die dochtren nv die bruut prisen