Commentaar op het Hooglied


CCIIJ Hier beghint die derde boec DIe coninghinne uan zuden Die comen is mit uele luden Als ghi hier wel hebt uerstaen Ende heeft rechte gheloue ontfaen 5[regelnummer] Ende is uan gode bruut vercoren Die in sonden was te voren Twe ghetruwe boden bringen Dese bruut vut sduuels twingen Dat is uten ioedscap 10[regelnummer] Vpten wagen aminadap Te hair gheuoert die sunamite Die ongeloue is worden quite Want si bekeert is ten gheloue Ende comt inder kerken houe 15[regelnummer] Mit groten ghesinde vten westen Si wil hair in gods minne vesten Als die coninghinne gods bruut Dese vernemet gaet si uut Tiegen hair wel vriendelike 20[regelnummer] Ende ontfaetse tuchtelike Ende leitse mede in haren hof Dair si lust mach nemen of Ende dair si blide in wesen mach Mitten coninc sonder versach
[Folio W26va]
25[regelnummer] Die brudegom heeft ooc vernomen Dattie sunamite is comen Ende comt te hair mit salicheit Ende spreect te hair in minlicheit