Commentaar op het Hooglied

(1975)–Anoniem Commentaar op het Hooglied– rechtenstatus


CCIIIJ Die text uander lettren IC bin neder wairt gegaen Inden hof dair noten staen Om dat ic woude besien wale Die appel die siin in den dale 5[regelnummer] Ende of soetelike die wiingairde Hebben ghebloeit na rechten airde Ende of die appel uan punijc Hadden gegeuen vrucht gelijc descendi in ortum meum 10[regelnummer] ut uiderem poma conuallium et inspicerem si floruissent vinee et germinassent mala punica Cvij ¶ Die brudegom hier neder ginc 15[regelnummer] Doe hi menschelijc ontfinc Ende quam in der noten gaert Dats den ewe die was hairt Die note heuet drie pointen an Die wel merken mach elc man 20[regelnummer] Van buten is die bolster sure Binnen der scalen herde nature Als binnen is die corle soete Als si den smake comt gemoete Der ioden ewe ende hare wet 25[regelnummer] Is bider note wel gheset Want hair leuen dat is suer Ombequame ende onghestuer Want als hair ewe hem ghebiet Leuen si in swair verdriet 30[regelnummer] Moyses geuet harde lere Die dore te breken is zwair zere Want si hart is int verstaen So wat die letter sal angaen Mer als die gheestelike sin 35[regelnummer] Die lettre heuet ghebroken in
[Folio W26vb]
So is si soete ende so bequame Dat si in gode is wel gename Die soeticheit die dair of coomt Ter salichede sere vroomt 40[regelnummer] Cristus wart in desen ewe Gheboren dair hi menige wewe In leet ende menige suricheit Want al siin leuen was arbeit Eer hi clairlijc mocht doorstoten 45[regelnummer] Die bolster uandes leuens noten Want uan beghinne toter doot Was in hem zuer ende sware noot Doe quam cristus toter scale Doe doorbroken wart te male 50[regelnummer] Mit harden slaghen ende groot Die hi leet al toter doot Die soete korle al doe wairt Der salicheit geopenbairt Die ons so soete maect die sinne 55[regelnummer] Dat wi gairne om sine minne Altoes liden ende doghen Verduldelike verdragen mogen Dus heuet die brudegome geseit Der bruut al dat hem an leit 60[regelnummer] Die bruut mach vragen wair om here Bistu comen also vere Vanden hemel hier te dale ¶ Hi spreect om dat ic woude te male Der dale appel wel besien 65[regelnummer] Merct wat hier die glose wil ghien Wil wijs nauwe nemen goom So voert drie pointen die brudegoom Dair wi wel in mogen verstaen Drie dÜechden die ons god soect aen 70[regelnummer] ¶ Teerste is recht ootmoedicheit Dat versta wi dair hi seit Om dat ic rechte woude besien Der dale appel : dit sulwi tien Toten liden die mit ootmoet 75[regelnummer] Siin gherechtich ende goet
[Folio W27ra]
Die gone die in goeden [l]euen Lere ... e ... me ... euen Dien su[ll(?)]en ... t Sijn appel der ... uel ... 80[regelnummer] Om dat in ... Dese woude ... en ¶ Tander point ... om quam Als ict inder glosen vernam Was om dat bi die wiingaerde 85[regelnummer] Sien woude of si ... airde Vloeiden dese wiingaerde siin Die gone die mit herten fiin Die werke doen der caritaten Ende hem te gode also saten 90[regelnummer] Dat si goede roke gheuen Der kerstenheit uan goeden leuen Dat is dat si milde siin Van herten ende mit werke fijn Want dese werken bloeien zere 95[regelnummer] Als wijngaert voer onsen here ¶ Terde point dair hi om quam Ende menscheit ane nam Dat was om dat hi leren woude Te liden arbeit ende onscoude 100[regelnummer] Die sinen die hi heuet vercoren Moeten liden menigen toren Om sine name om sine minne Verduldelijc liden mit zinne Dit siin die appel uan punijc 105[regelnummer] Of appel greine des ghelijc Of die enige vruchte geuen Hier is verduldicheit bescreuen In: alst ons hier bouen is Wel beduut al sonder mis 110[regelnummer] ¶ Dit heuet die brudegom vertogen Ende gheseit der synagogen Hier om quam ic hier te di Mer du heues ghedoot mi Ende ghelastert ende gescant 115[regelnummer] Nochtan men ghene scout en vant An mi : mer ic bin verresen
[Folio W27rb]
Ende leue noch dat dochti wesen Spod ende grote ongheloue Diinre wouts niet horen als die doue 120[regelnummer] ¶ Die bruut spreect. ic en wist niet Ic weet wel dat is ghesciet ... dattu wairs gods sone Dan d ... mi dan hone I ... menschelike leuen 125[regelnummer] Hets wair du wairs meer verheuen In duechden dan ander luden waren Ende u ... ael sonder sparen Der gheuet ... Luden ghiften in ... 130[regelnummer] Moises die grote prophete Ende samuel mit rechter wete Helias heliseus mede Daden teken in emenigher stede Dair om sone wistic niet 135[regelnummer] Dattu god wairs so men nv siet Want had ic di te rechte bekent En hadde di niet ter doot ghesent Ende ic en haddi niet crucen laten Di noch ter doot uerwaten 140[regelnummer] ¶ Die brudegom mach weder seggen Wair op wiltu dit dan leggen Si spreect. mine siele bedroeuede mi ¶ Dat ic uan sinne was onvri Dat was om aminadaps wagen 145[regelnummer] Die ic ouer al sach iaghen nesciui anima mea con\turbauit me propter qua\drigas aminadap Cviii

Vorige Volgende

CCIIIJ Die text uander lettren