Commentaar op het Hooglied

(1975)–Anoniem Commentaar op het Hooglied– rechtenstatus


CCV Hoe sinlicheit bedrieghet In allen uleeschelike dieren Sulwi merken twee manieren Vleesch sin ende ooc den geest Die den liue geuet uolleest 5[regelnummer] Inden mensche ooc dese siin Alst openbair is ende aenscijn ¶ Dat vleesch is: hier gheuoet
[Folio W27va]
Wart: ende dat den arbeit doet ¶ Die sin is die den lichame leit 10[regelnummer] Ende dene uoir dandre ondersceit ¶ Die gheest hout die twee te samen Na dese drie moeten wi ramen Sulwi desen sin verstaen Ende ter rechter wairheit gaen 15[regelnummer] Smenschen geest is sonderlingen Mit reden uerlicht tallen dingen Dair hi mede sal ondersceiden Wat goet of quaet is tussche beiden Sal die reden altoes gaen 20[regelnummer] Teen te laten tander aneuaen Die sin heet hier sinlicheit Die den mensche dicke verleit Mer ander dieren doet si kiesen Onder winnen ende verliesen 25[regelnummer] Mer dair is gheen reden in Die allene natuerlijc sin Dit mach inden mensche heten Die siele als ghi hier moget weten Mine siele dats mine sinlicheit 30[regelnummer] Gaf mi anders geen wairheit Dan al dattu souts sijn Puer mensche alst was in scijn Dair in werdic meest bedroghen Des bin ic droeue sonder logen 35[regelnummer] Want ic aminadaps wagen Hoirde dinen name dragen ¶ Aminadap een rijc man was Onder die ioden als ict las In siin huus wart die arke brocht 40[regelnummer] Die bi moyses was ghewrocht Om datmen kennen soude dair bi Gode ende dattie ioden vri Bi gods helpe souden wesen Si worden dicke dair bi ghenesen 45[regelnummer] Van menighen harden weder stoot Des helden sise uan eren groot Ende god gaf aminadap
[Folio W27vb]
Benedictie ende heerscap Om die lieue uander arken 50[regelnummer] Die comen was in sinen parken ¶ Dair na toe comen was die tijt Dat coninc worden was dauijt Woude hi die arke mit eren Te iherusalem binnen keren 55[regelnummer] Ende dede enen wagen maken Die dure was uan allen saken Ende nuwe dair men op vuren Die arke soude ter seluer vren ¶ Dese arke doet ons verstaen 60[regelnummer] Die nuwe ewe sonder waen Die aminadap die goede Lange helt in sire hoede Aminadap ons ouer luut Te recht die willich is beduut 65[regelnummer] Siins uolcs dat mach wel cristus wesen Dair wi alle bi ghenesen Die siin uolc siin ende hem toe horen Die heeft hi willichlijc vercoren Ende heuet hem ghegeuen 70[regelnummer] Ter doot om siins uolkes leuen Dese hadde buten allen sorgen Die kerstenheit lange verborgen Die die arke wel beduut Eer hi selue quam hier uut 75[regelnummer] Ende hi coninc wart mit crachte Enten duuel harde onsachte Verwarp uut sire heerscap Doe nam hi uan aminadap Die arke der kerstenheit an hem 80[regelnummer] Ende voretse in iherusalem Dats hier bouen in sinen houe Dair si ewelic sal mit loue Sitten ende gheweldich sijn Dat en nemet nemmer fijn 85[regelnummer] Des makeden enen wagen vut Ihesus cristus die sine bruut Die kerstenheit soude ouer al //
[Folio W28ra]
// Die ghehoopt is mildelijc Die weite voet ende gheuet broot Den hongherighen te sire noot Aldus so geuen dese wale 5[regelnummer] Voetsel inder kerken sale Dese siin mit lelien onderscoort Want si in andren duechden voort In gode leuen sonder smetten Ende tiegen die sonden altoes setten 10[regelnummer] ¶ Dese vijfste oirden wi nemen mogen Iegen den borsten der synagogen ¶ Des spreect hi dine borsten twee Siin als iongen min no mee 15[regelnummer] Der zeghen hoort hier ende verstaet Wat op dese lettre gaet duo vbera tua sicut duo hinnuli capree gemelli Cxv ¶ Der uader enter lerer orden Sijn beduut in desen woorden 20[regelnummer] Die siin als der bruut twee borsten Si voeden in hongher ende in dorsten Die kerstenheit mit ganser lere Dat uoetsel is in onsen here Alre leren siin wair twee 25[regelnummer] Want si leren min no mee Dan twee ewe nuwe ende oude Ende al siin wel menichfoude Die ghebode die dair of gaen Moeten doch in tween uolstaen 30[regelnummer] Dats inder waerre minnen Gods: ende mit gansen sinnen Ons euenkersten hier in sluut Rechte lere al uut ende uut Mer si siin ghelijc tween iongen 35[regelnummer] Der zegen. dats uan eersten sprongen Dats die lude die si voeden Mit lere ende in kerken hoeden Leuen die siin uan tween partien Als men ter scrift wel hoort lien 40[regelnummer] Beide uan ioden ende uan heiden
[Folio W28rb]
Dese twee onder hem beiden Siin der zegen kinder wale Ghenomet hier bi rechter tale Want si uan sonden al sijn comen 45[regelnummer] Die bider zegen is ghenomen Si volgen ooc der zegen aert Die goet cruut kiest ende quaet spairt Dus leren si dat goede kiesen Ende tquade laten ende verliesen 50[regelnummer] ¶ Die seste oirden is heden gonen Genomen: die in cloestren wonen Entie siin te male ghesceiden Vander werelt ende leiden In gode recht gheestelijc leuen 55[regelnummer] ¶ Desen is die hals bescreuen Vander bruut die inden chore Is als een toorn uan yuore collum tuum sicut turris eburnea Cxvj 60[regelnummer] ¶ Die salichlike in oirden sijn In woorden in werken in waren scijn Ende mit exempel als ende als Beduden recht der bruut hals Want si houden alte samen 65[regelnummer] Hooft ende lichaem sonder blamen Dat douerste entie onderdaen Dair men in gode bi sal uolstaen Dese siin een uaste toren In cuuscheit dat beduut yuoren 70[regelnummer] Want dese uromelijc weder staen Die coringhe die hem brengen aen Die duuel die werelt ende dat vleesch Die weigheren si al haren eesch ¶ Die seuende choer siin die prelaten 75[regelnummer] Die die onderdane saten Van dien die hem sijn beuolen In haren macht in haren scolen Dit siin ogen die sullen sien Alle dinc ende nauwe spien 80[regelnummer] ¶ Des spreect hi hier dijn ogen sijn
[Folio W28va]
Als in esebon die piscijn Die alle toter poorten leiden Die dochter uan menichfoudicheiden oculi tui sicut piscine in 85[regelnummer] esebon que sunt in portis filie multitudinis Cxvij ¶ Esebon dat is ene stat Die niet meer heuet dan een gat Of ene poorte dair men dore gaet 90[regelnummer] Ene fonteine dair in staet Die vutwairt vloeit mildelike Ende maect uele vischerien rike Van deser stat die poorte heit Dochter der menichfoudicheit 95[regelnummer] Esebon al ouer wair Beduut gordel der rouwen swair Dit betekent ons die kerke Die al is uan enen werke Ghesticht bi enicheit in gode 100[regelnummer] Die allene hout sine ghebode Dese en heuet mer ene poort Die ter kerstenheit behoort Dair men in ende uut mach gaen Dat is cristus sonder waen 105[regelnummer] Dair men te gode gaet bi in Dit verstaen wi inden sin Dat hi spreect ic bin die dooer Die door mi gaet rechten choor Die sal salich emmer bliuen 110[regelnummer] Ooc moge wi ene fonteine bescriuen In deser stat uan kerstenheit Die bi esebon is gheleit Dats der salicheiden dope Die mit menigherande uutlope 115[regelnummer] Vloeit door die werelt al Ende uervullet bi gheual Alle die salige vischerien Die te rechte an gode lien Dat siin kerken al gemene 120[regelnummer] Inder werelt groot ende clene
[Folio W28vb]
Dus maect gods fonteine buten Menigen wier die noch sluten Inder kerstenhede stat Dats ten hemelrike die pat 125[regelnummer] Dese poirte heet die dochter wale Der menichfoude in ware tale Want die synagoge is Dochter ende bruut ghewis Der menichfoudigher reinre kinder 130[regelnummer] Die si den duuel wint te hinder Dus siin die prelaten oghen Want si die kinder der synagogen Leiden ten hemelrike In desen poirten ewelike 135[regelnummer] ¶ Diin nase is als die toren Vanden libaen die te voren Verre tiegen damasche ziet nasus tuus sicut turris libani que respicit contra damascum Cxviij 140[regelnummer] ¶ In desen woorden is ons bediet Al die rechte wiser choor Die besceidenlijc zien voor Ende bekennen ende ondersceden Goet ende quaet bi rechter reden 145[regelnummer] Der duuel enter coringhe vloech Enter vuulre werelt droech ¶ Damasch beduut bloetlekinge Dair wi bi verstaen coringhe Die lecken na hem ten zonden 150[regelnummer] Die hem uolghen tallen stonden Hier tiegen staet die nase der bruut Ende uoirseit al uut ende uut Mit wackeren zinne ende mit hoeden Hoemen den duuel mit ootmoeden 155[regelnummer] Ende sine knechte sal wederstaen Dits een toorne op den libaen Want si op gode die libaen is Vast ghesticht siin al ghewis Dits nv die achtende scare 160[regelnummer] Die den duuel doet groten vare //
[Folio W29ra]
// Breit in menigher doget Dair hair weelde in wart ghetoget ¶ Vanden borsten is hier bouen Gheseit inder lede louen 5[regelnummer] Doch siin die borsten noch beduut Bi wiindruuen die geuen uut Wiin dair men den dorst verdriuet Mede also men hier scriuet So verdrijft const ende wiisheit 10[regelnummer] Alle dorst ter salicheit Der bruut kele is gods lof Dair al die beste wiin comt of Die der sielen herten verblijt Desen dunct god gairne mit vlijt 15[regelnummer] Dair om noemt die bruut dit woort Den brudegome ende seget voort ¶ Minen lieue mach wel siin Wairdich te drinken desen wijn Ende sinen lippen ende sinen tanden 20[regelnummer] In airtrike sonder scanden Desen wiin die der bruut hals Gode scenket als ende als Dats lof prediken ende ghebede Dair die bruut gode altoes mede 25[regelnummer] [Schenct] uten halse talre tijt Des heuet die brudegom wlijt Ende ontfaet wel wairdelike Ende gedenkets ewelike ¶ Die tande gods siin die lerare 30[regelnummer] Ende sine lippen ouer ware Mogen wel meestre wesen [D]ie wel ederiken desen Die ons scenken soeten wijn Dats rechte lere ende fijn 35[regelnummer] Die halen si in ende uut gereit Ende voeden tuolc der salicheit Dair om spreect die bruut hier voort In minen lieue dit corte woort Geuet ons te weten zaen 40[regelnummer] Dat si van gode is ontfaen
[Folio W29rb]
Want si hem is bequamelike Dit spreect si uoir besceidelike Ende te mi is al siin keren Dat hi heuet mit groter eren 45[regelnummer] Hem te mi ende mit genaden Ghekeert des bin ic beraden ¶ Ic hebbe gheseit ic sal op stighen Op ten palmboom ende crighen Dine vrucht. hier merct mit sinne 50[regelnummer] Wat dese woorden brengen inne dixi ascendam in palmam ut apprehendam fructus eius Cxxiij ¶ Gods seggen dat is e[en] gheset Dat nemmer mach siin ghelet 55[regelnummer] Want wat god in sinen rade Set dat comt ist vro of spade Dit gheset ende dese sprake Is ene harde hoge sake Dat cristus woude ant cruce gaen 60[regelnummer] Dat biden palmboom is verstaen Dair hi op clam toter doot Ende verloste vter noot Den mensche dair of greep hi vrocht Des crucen dair hi ons mede brocht 65[regelnummer] Ten leuen enter salicheit ¶ Nu hoirt uan deser vrucht gereit Dat cruce is ons wel beduut Biden palmboom al hier luut Want palmboom beduut sege 70[regelnummer] So gheeft ooc dat cruce in alre pleghe Want cristus anden cruce verwan Den duuel den fellen tyran Ende gaf ons des crucen vrucht Te nutten mit saligher tucht 75[regelnummer] Vanden cruce siin ons comen Vier vruchten die ons god te vromen Ghewonnen heeft minnentlike Dair alle mensche salichlike Mede lauen ende si voeden 80[regelnummer] Hem diese wel mitten hoeden
[Folio W29va]
Deerste vrocht is dat leuen Dat ons weder is gegeuen Dat wi lange tijt uerloren Hadden. ende waren in groten toren 85[regelnummer] Dic: want ons al deerste noot Dair god om smaecte die bitter doot ¶ Dander noot dair wi in lagen Mit wene ende mit groter clagen Dat was viantscap uan gode 90[regelnummer] Ende uanden engel sinen bode Dair tiegen gaf ons cristus vrucht Vanden cruce ter soeter lucht Dat was urede die hi nam Ende gafse ons vans crucen stam 95[regelnummer] ¶ Die derde noot ende grote misquame Dair wi lange in waren mit scame Want wi des duuels eigen waren Die wi niet en conden ontuaren Des brac hi die derde vrucht 100[regelnummer] Vanden cruce dair hi ons brocht Altoes in vriheit vast te siin Dair nam des duuels macht termijn ¶ Dat vierde was onsekerheit Want ons altoes was ontseit 105[regelnummer] Te siin seker in desen leuen Dat heeft ons cristus ghegeuen Ende sekerheit uan den cruce bracht Want dat cruus heuet die macht Dat alle quaet uan dien verdriuet 110[regelnummer] Ende mit ganser ghelouen bliuet Andes heilichs crucen teiken Dien sal uan sekerheit niet swiken Dair om volcht hier nv mede Hoe dese vrocht der bruut lede 115[regelnummer] Hebben ontfaen ende siin ghenesen ¶ Des uolget: dine borsten sullen wesen Als druuen van den wiingaerde et erunt ubera tua sicut botrus vinee Cxxiiij 120[regelnummer] ¶ Dat sijn lerer sonder houerde
[Folio W29vb]
¶ Dine roken sullen siin Als uan appel soete ende fiin et odores tui sicut malorum Cxxv Dats die name uan dinen werken Sal menigen in duechden sterken ¶ Dine kele sal siin gheliic Den besten wiin sonder beswijc guttur tuum sicut vinum optimum dignum dilecto 130[regelnummer] meo ad potandum labiis que et dentibus illius rumi\nandum ego dilecto meo et ad me conuercio eius Cxxvj ¶ Dat siin die. die mit leren 135[regelnummer] Ende mit ghebede in onsen here Die lude lauen ende drinken geuen Mit salicheit ten goeden leuen Want der bruut kele doet verstaen Hoemen in dÜechden sal volgaen 140[regelnummer] Als ghi horen sult hier na Elc merke dat hijt versta

Vorige Volgende

CCV Hoe sinlicheit bedrieghet