Commentaar op het Hooglied

(1975)–Anoniem Commentaar op het Hooglied– rechtenstatus


CCXVI Hoe die sunamite brenghet voor den brudegom mandra\gora uander heidenscap Die mandragora hebben ooc Ghegeuen haren soeten rooc In onsen poirten nv hoort hier aen mandragore dederunt 5[regelnummer] odorem in portis nostris Cxxix ¶ Die heidenscap suldi verstaen Dat dese mandragore moeten wesen Die uan antekerst doot genesen Siin ende te gode hem keren 10[regelnummer] Bider sunamiten leren ¶ Hier wart die vierde bruut gheleit Die heidenscap mit salicheit Ten brudegom sonder waen Diese lieflic sal ontfaen 15[regelnummer] Die sunamite hair verblijt Dat si vergadert heeft mit vlijt //
[Folio B42ra]
// Come ende dair in uaste cleuen Ewelike moghen sonder sneuen ¶ Vier dingen siin die sere versmaden Die sonder die vaste gheladen 5[regelnummer] Ende bedruct in sonden is Des sijt seker ende ghewis Die duuel is deerste sonder waen Om crancheit dair si in staen Des is hi altoes ghereit 10[regelnummer] Te coren ist hem lief of leit Want die duuel heuet cracht Als iob seit dat sine macht Gaet bouen der macht opter airden Mer die mensche is cranc in vairden 15[regelnummer] Entie duuel quaet ende loos Des versmaet hi dien altoes Dits inder coninghen boec Wel betekent hebben wijs roec Dat sennacherub versmade 20[regelnummer] Ezechias in sinen rade Sennacherub die duuel is Ezechias die mensche gewis ¶ Dander dinc dat den sondare Versmaet ende heeft ommare 25[regelnummer] Dats die engel die al bloot Is bouen des menschen genoot Des engels nature is reine Mer des menschen vuul gemeine Mer want god heuet onse nature 30[regelnummer] Ontfanghen ende maket pure Dair om mach die engel niet Ons versmaden wats ghesciet ¶ Dat derde dat den mensche versmaet In sinen sondeliken staet 35[regelnummer] Dats dat een mensche aensiet Den andren dat hi volghet niet In goeden leuen salichlike Mer [ga(?)]et inder sonden slike Des versmaet hier deen den andren 40[regelnummer] Want si niet ghelike wandren
[Folio B42rb]
¶ Dat vierde dat sere versmaet Den sondair ende verre van hem staet Dats god die proeuet ende merket Dat hi altoes in sonden werket 45[regelnummer] Die bruut bidt in deser lesse Datse god van versmadenesse Verlosse : ende si in sine hulde Comen mach uut hare sculde Ende sine cussen mach van minnen 50[regelnummer] Dat duut dat si mach ghewinnen Vergaderinghe ende enicheit Mit hem : want si of gheleit Heuet alle sondelike saken Des beheert si gode te genaken

Vorige Volgende

CCXVI Hoe die sunamite brenghet voor den brudegom mandra\gora uander heidenscap