Commentaar op het Hooglied

(1975)–Anoniem Commentaar op het Hooglied– rechtenstatus


CCXXIJ Hoe der synagogen uerwondert vander groter hoocheit der bruut mandragora ccxxij Wie is dese uan groten scine Die op gaet bider woestine Van weelden also ouer uloeit Ende in minnen also groeit 5[regelnummer] Dat si op haren lieue allene is gheneicht. hoort wat ic mene que est ista que ascendit de de\serto delicijs afluens innixa super dilectum suum Cxxxiiij 10[regelnummer] ¶ Den dochtren enter synagogen Verwondert hier uan groten hogen Van drien pointen die dese bruut In hair heeft als hier wel luut Si is so mit groten loue
[Folio B26rb]
15[regelnummer] Ghesteghen inder minnen houe Als ghi hier voren nv hebt gehoort Dair si in rusten is gheuoert Wie mach v des uol besceiden Mit hoe groter wairdicheiden 20[regelnummer] Die siele die te rechte climt Ontfangen wart : ende wat si mint Die uan wairliken leuen In gods minne wart verheuen Hoe wairdelijc dese bruut is comen 25[regelnummer] Te gode mit rechter minnen gomen Dat maect inden dochtren wonder Dat si so scone comt bi sonder Die in deser werelt woestine So lange lach in sonden quine 30[regelnummer] ¶ Tander point dat hem uerwondert Dat is dat si is ghesondert Van al dat hair letten mach Ende heuet uan weelden groot beiach Voir gode ontfaen als hier staet 35[regelnummer] Dat si in weelden is ghesaet Weelde is dair men is blide Ende geen gebrec tenigen tide Weelde ghebreect den gonen niet Die uan minnen altoes spiet 40[regelnummer] In gode ende mit hem is ghebonden Van minnen wart in weelden vonden ¶ Ten derden male heeft wonder groot Den dochtren dat si sonder genoot Op gode allene gheneighet is 45[regelnummer] Dair si seker ende ghewis Altoes bliuet sonder sneuen Want wie hem te gode wil geuen Ende hoop ende troost an hem setten Te male : dien mach niement letten

Vorige Volgende

CCXXIJ Hoe der synagogen uerwondert vander groter hoocheit der bruut mandragora ccxxij