Declaratie van der triumphe bewezen den hooghe gheboren prince van Spaengien, Philips
(1851)–Anoniem Declaratie van der triumphe bewezen den hooghe gheboren prince van Spaengien, Philips–
Auteursrechtvrij
[pagina 26]
| |
Item.Salige sint mand uuare, wanta thie besizzent erda. | |
Item.Sie sint so fama kuani, Selpso thio Romani. Zi uuasane snelle, so sint thie thegan alle. | |
Item.Salige sint thie thar sint miltherze. Uuanta sie folgent miltidum. Als hier passeerde die Prince excellent
Rethorica gent hild naerstich de wake
In een rein tanneel bij t'augustinen conuent
Vertoogdese figuerlic een schoone zake
Hoe Temperantie zouct altijds met ghemake
Om haer zinnen te temperen, pays int herte
Die dan inder duegd heeft natuerlicke smake
| |
[pagina 27]
| |
Verwind zijn qua gheneghentheit zonder smerte
Hier faelt hij die haestich es en van quaden perte.
Vier dochters dees Nymphe ghezelscap hilden
Die vertooghen wilden haerlieder virtuut
Continentia conste met speerren met schilden
Qua beghaerten breidelen of werpen vut
Ghenade viel int handelen noyt yemand te ruud
Maer doet eenen grammen moed vercoelen
Zebaerheyt can pronken ghelijc een bruud
Goudbetrauwen en staet ooc onder gheen stoelen
In vrome faiten can met haer cracht gheuoelen.
Van Balduwyn van Rysele een beelde ghemaect
Stond hooghe ghedaect an dezen toogh
Om dat hij als voogd diligent heeft ghewaect
Voor die croone van vrancrijc die onder hem boogh
Zijn groote ghetrauwicheit, zijn coel ghedoogh
Zijn edel conuersatie, zijn wijs onderwind
Zijn belofte, zijn woord, noyt mensche bedroogh
Zijn duegd alzo claer als de zonne schijnt
In Vlaender, alzo men wel bescreuen vind.
Een ruese lanc twaelf voeten en achte
Van t'zelve gheslachte van die buten lach
Hild op de liefbrugghe zeer straf de wachte
Als regent vander lieue nacht ende dach
Op dezen stond ic zo langhe en zach
Dat ic ter leije nerghens en bemercte
| |
[pagina 28]
| |
Of daer een was viuentwijntich lanc naer t' ghewach
Maer ic dijncke dat die zeer tielke verpercte
Of dat hij was thuus ghebleven op sijn stercte.
De vijfste poorte of arctriumphael
Als een throon regael van commuun werc gentelic
Stond laetst, alder edelst, en principael
Bij t' palais daer den Keyser es residentelic
Hier werd vertoogt zoomen zach attentelic
Hoe Diederic van Elzate naer Hierusalem reysende
Zijn zone Philippum beual diligentelic
Den staten des lands, voor best dit peysende
Hem in possessie vanden rijcke cheysende.
Daer stond ghescreven, ten es gheen lueghen
Hoe dat int verhueghen elc Senatuer
Met die ledekins van Ghend naer t'scamel vermueghen
En naer den tijd, mids t'ghemeene labuer
Ghetuyghende haer goedwillicheit zonder rancuer
Dees triumphe ghestelt hebben Philips ter eeren
Die van Chaerles den Keijser ontfijnc zijn viguer
Zoot God gheliefde, die hem wil leeren
Vander Maghet alle dijnc in t beste keeren.
|
|