Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Die Dietsce Catoen (1845)

Informatie terzijde

Titelpagina van Die Dietsce Catoen
Afbeelding van Die Dietsce CatoenToon afbeelding van titelpagina van Die Dietsce Catoen

  • Verantwoording
  • Inhoudsopgave

Downloads

PDF van tekst (0.42 MB)

Scans (1.90 MB)

XML (0.13 MB)

tekstbestand






Editeur

W.J.A. Jonckbloet



Genre

poëzie

Subgenre

leerdicht


© zie Auteursrecht en gebruiksvoorwaarden.

Die Dietsce Catoen

(1845)–Anoniem Duytschen Catoen, Den–rechtenstatus Auteursrechtvrij

Vorige Volgende

Dat vierde boec.

(2.)
315[regelnummer]
Sone, doe alse die wise,
 
Ende houdi an die selve spise
 
Daer du mede best ghevoet,
 
So mach dijn lijf sijn behoet.
(5.)
 
Alstu goet heefs ende haveaant.
320[regelnummer]
Du saelster di ghemac doen ave;
 
Wat helpet goet ende scat,
 
Daer niemen of en heeft te bat?aant.
(6.)
 
Du saels vroe ende spade
 
Staen naer dijns vader rade;
[pagina 31]
[p. 31]
325[regelnummer]
Laetstuut, het lachtren dine dade
 
Ende mach di comen wel te quade.
(10.)
 
Sone, du saels onmate vlien:aant.
 
Men seghet dats die vroede plien.
 
Houde mate ende volghe hare;
330[regelnummer]
Want onmate es ongheware.
(13.)
 
Alse di vernoi toegaet
 
Soec an dinen vrienden raet:
 
Want die vrient die trouwe hevet
 
Es die beste troost die levet.aant.
(17.)
335[regelnummer]
Oftu wils datmen te quadeaant.
 
Niet vertelle dine dade,
 
So doe so vele, alse du leves,
 
Alstu best doot dattu prijs heves.
(18.)
 
Dune saels, sone, metten ouden
340[regelnummer]
Weder scop no sceren houden;
 
Want so die oude langher levet
 
So hi die wijshede mere hevetaant.
(19.)
 
Vare so, dattu werdes vroet.
 
Doestu dit, hets di goet;
345[regelnummer]
Wanneer so di tgheluc ontgaet,
 
Datti die wijsheit bistaet.
[pagina 32]
[p. 32]
Ga naar tekstkritische notentekstkritische noten
(20.)
 
Wat so segghen ofte werken
 
Die liede dat saelstu merken
 
Stillekine; want bi der tale
350[regelnummer]
Machmen den man kennen wale.
(24.)
 
Te vele eten ende drinken
 
Saelstu scuwen, ende dinken:
 
Wie hem hout an dit gelaghe
 
Hi corter mede sine daghe.
(27.)
355[regelnummer]
Du saels leren ende weder leren
 
Ende an die vroetheit di bekeren:
 
Al can een vroetheit, diere af staet,
 
Soe teglijt ende tegaet.
(28.)
 
Al becomet di een mensche wele,
360[regelnummer]
Dune saelsene prisen niet te vele:
 
Oft hi di noch doet quade treken,
 
Dattune met ere machs verspreken.
(29.)
 
Als di twivelet iewers of,aant.
 
Leerstu dat, du heves lof:
365[regelnummer]
Die niet en can ende niet en leert
 
Hi es an bosen raet ghekeert.
(30.)
 
Dronken te sine van wineaant.
 
Ende in hoerdome te sine,
[pagina 33]
[p. 33]
 
Daer af en comet ander recht
370[regelnummer]
Dan als strijt ende ghevecht.
(31.)
 
Die swighen ende lettel spreken,
 
Si connen vele quader treken.
 
Men seit: die vloet die stille staet
 
So es dieper dan die harde gaet.
(32.)
375[regelnummer]
Alse dijn gheluc ghevet minaant.
 
Dan du gheers in dinen sin,
 
Mercstu dan, du best onvroet,
 
Eens anders have ende sijn goet.
(33.)
 
Dattu maghes doen, doe dat:
380[regelnummer]
Wilstu meer, du werdes mat;
 
Hijs sot, die vorder hem wil strecken
 
Dan sine cledre moghen recken.
(34.)
 
Jeghen den goeden enten rechtenaant.
 
Ne saelstu striden nochte vechten
385[regelnummer]
Ene dinc God gherne wreket,
 
Dats datmen sinen vrient verspreket.
(35.)
 
Al bestu aerm ende sonder have,aant.
 
Ne wes te serich niet daer ave.
 
Die vroede merket ende verstaet
390[regelnummer]
Dat have comet ende tegaet.
(36 a.)
 
Hets vernoy ende grote toren
[pagina 34]
[p. 34]
 
Alse iemen hevet langhe te voren
 
Ontspaert, ende hem een ongheval
 
Doet dat gewin verliesen al.
(36 b.)
395[regelnummer]
Datti dine vriende raden
 
Saelstu in dinen sin bestaden,
 
Hierna, alstuus te doene heves,
 
Dattu raet di selven gheves.
(37.)
 
Ne beheet di selven nietaant.
400[regelnummer]
Langhe te levene; want men siet
 
Den man wandelen ende gaen
 
Heden, ende marghen eist ghedaen.
(38.)
 
Du saels offeren gherne Gode;aant.
 
Want het segghen sine ghebode:
405[regelnummer]
Die dor Gode gherne gheven,
 
Dat si met hem selen leven.
(40.)
 
Alstu heefs ghedaen mesdaet,
 
Castie di selve, dats mijn raet;
 
Want hets den man grote ghenade
410[regelnummer]
Die hem selve wroghet in rade.
(41.)
 
Al heefstu enen ouden vrient,
 
Die di bi wile hevet ghedient,
 
Ne doemene niet; want dien vroede
 
Ghedinct wel vanden ouden goede.
[pagina 35]
[p. 35]
Ga naar tekstkritische notentekstkritische noten
(43.)
415[regelnummer]
Bloetheit te vliene ende wesen coene
 
Sit den goeden man wel te doene;
 
Want eer die blode hevet noot
 
Seit hi, hi wil wesen doot.
(44.)
 
Al hevestu dierne ende knechte
420[regelnummer]
Gecocht, nochtan merc bi rechte
 
Dat si sijn liede alse du,
 
Al staen si di te dienste nu.
(45.)
 
Alstu ghedincs in dinen moet
 
Hoe dat wilen metti stoet,
425[regelnummer]
Dune saels di keren niet in dien
 
Dattu dat selve willes plien.
(46.)
 
Al es een man bedocht so spade,aant.
 
Dat hi stervet bi bosen rade,
 
Mercstu dat, du does quaet;
430[regelnummer]
Dune weets hoet metti vergaet.
(47.)
 
Al hevestu wijf ende lettel goet,aant.
 
Ne dinke niet in dinen moet
 
Vrec te sine ende quaet,
 
Want grote have saen vergaet.
 
 
435[regelnummer]
Sone, dits die beste scat
 
Dien ic hebbe, ende omme dat
[pagina 36]
[p. 36]
 
Hetic ende bevele di,
 
Datti emmer metti si.
 
 
 
Goede liede, die dese tale
440[regelnummer]
Hebt ghehoort al te male,
 
Doet u ghebede devotelike
 
Tote Gode van hemelrike,
 
Dat hi verlichte uwen sin,
 
Datter wone wijsheit in.
 
 
445[regelnummer]
Die dit maecte van latine
 
In dietsce, hi beghert te sine
 
In u ghebede, vroe ende spade.
 
Bidt Gode dat hi hem doe ghenade!

Amen.

[tekstkritische noot]Vs. 325. Men lachtert d.d.? 326. C. Ende oec maghet di w.c. 327-334 ontbr. in C. 327. D. Du soutst. 328. D. seit. 329. D. Hout m.e. volget. 331-334 ontbr. in C. 332. D. Soect. 333. D. Want ontbr. 335-350 ontbr. in D. 335. C. wilt. 339. C. salt - houden. 342. C. wijsheden min h. 344. C. Doetstu.
[tekstkritische noot]Vs. 348. C. Die l. ne saltu niet m. 351-354 ontbr. in C. 352. D. soutstu. 355-434 ontbr. in D. 355. C. salt. 360. C. saltene. 362. C. macht. 363. C. Alstu twifeles ieweren. 364. C. Leerdstu dat dattu h.l.
[tekstkritische noot]Vs. 371. C. Die ghene die sw. 379. C. macht. 380. C. werds. 381. C. wille. 382. C. hem moghen r. 385. C.d. es die G. 386. C. Datmen. 387. Arem.
[tekstkritische noot]Vs. 392. C. iemene. 396. C. saltu. 397. Hiernaer. 400. C. ment. 401. C. Deen. 403. C. salt. 406. C. sullen. 410. C. selven vroet es in r. 412. C. wilen. 413. C. die vr.
[tekstkritische noot]Vs. 421. C. lieden. 422. C. Alse staen si te d.n. 425. C. salt. 429. C. dattu does. 430. C. Dune weets eerst hoet. 435. D. den besten. 436. C.D. Die; D. om.
[tekstkritische noot]Vs. 438. D. altoes. 439-444 ontbr. in C. 439. D. lieden. 445. D. uten latine. 446. C. dietsch; D. begheerde. 447. C. Juwe gh. 448. D. u doe gh.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken