Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[¶ Item corts daerna so vertrack die voorseyde bruyt huyt Zeelant te Antwerpen]

¶ Item corts daerna so vertrack die voorseyde bruyt huyt Zeelant te Antwerpen, daer si seer eerlicken ontfanghen was, maer dye wulle ende tysere, ende meest al die coopmanschepe quam te Brugghe te stapele naer costume, maer alle die schepen ende maroniers bleuen al meest in Zeelant.

[fol. CC.lxxxiij.r]

¶ Item vp dien seluen tijt waren ghecontinueert byder wet van Brugghe, te wetene dat vanden eeden van beede die ramen, die breede ende die smalle ramen, aen blijuen souden een vanden poorters die in die voorseyde eeden waren, te wetene vander breede rame.iiij.ende vander smalle rame.iij.twelc een nyeuwe ordonnancie was, maer alle andere Dekens, ende Eeden waren vermaeckt naer doude costumen.