Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

¶ Van die orloghe vp Vranckerijck ende Inghelant.

Nae dyt voorseyde ontsegghen van desen twee coninghen, so werden die palen van Zeelant ende Hollant wel bewaert, ende die Coninck van Inghelant sandt eenen heraut int hof van Mechelen. Ende weder omme sandt me vrouwe Margriete brieuen aen den coninck van Inghelant, ende men seyde dat den Abt van sinte Bernaerts twee mijlen buyten Antwerpen, daer ghesonden was als Ambassaet, die welcke accoordeerden ende wiert paeys. Ende dye schepen die in Inghelant ende hier ghehouden waren die waren ontslaghen, ende des ghelijcke die gheuanghenen.